ગાંધીનગર જિલ્લા પંચાયતમાં આગની ઘટના

આગમાં અનેક દસ્તાવેજો બળીને ખાખ

આજે લાભપાંચમના દિવસે એક તરફ જ્યાં તમામ ઓફિસો અને ધંધા રોજગાર નવા વર્ષમાં પૂજા-પાઠ સાથે ફરી ખુલી રહ્યાં હતાં ત્યાં બીજી તરફ રજાઓ હોવાથી બંધ પડેલી  સરકારી કચેરીમાં આગની ઘટના સામે આવી. ગાંધીનગરમાં જિલ્લા પંચાયતના આંકડા વિભાગમાં આગ લાગતા અફરા તફરીનો માહોલ સર્જાયો હતો. આગ લાગતા તિજોરી બળીને ખાક થઇ ગઇ હતી. આ સિવાય સિલિંગ પણ ડેમેજ થઇ હતી.

આગ લાગવાની જાણ થતા જ ફાયર વિભાગની ટીમ ઘટનાસ્થળે દોડી ગઇ હતી અને આગને ઓલવવાનું કામ શરૂ કર્યુ હતુ. જોકે, આ આગ ક્યા કારણોસર લાગી તે જાણી શકાયુ નહતુ. આ આગ શોર્ટ સર્કિટને કારણે લાગી હોવાનું પ્રાથમિક અનુમાન લગાવવામાં આવી રહ્યુ છે. ગાંધીનગર જિલ્લા પંચાયતના પ્રથમ માળ પર આ આગ લાગી હતી. દસ્તાવેજો બળીને ખાક થઇ ગયા હતા. રાત્રિનો સમય હોવાથી કોઇ કર્મચારી ઓફિસમાં ના હોવાને કારણે મોટી જાનહાની ટળી હતી. ફાયર વિભાગની ટીમે ભારે જહેમત બાદ આગ પર કાબુ મેળવી લીધો હતો.

 22 ,  1 

Net Dakiya News © 2019, All Rights Reserved

ગુજરાતી