લોકો છેતરાય છે, છેતરનારા જોઇએ…

ઠગોની એક ટોળકીએ અધધ્ ત્રણ હજાર લોકોને છેતર્યા

ઠગ લોકો વધુમાં વધુ કેટલા લોકોને ઠગી શકે કે છેતરી શકે ? કહેવત છે કે દુનિયા ઝૂકતી હૈ ઝૂકાનેવાલા ચાહિએ એમ મોટી સંખ્યમાં લોકોને છેતરી શકાય છે, છેતરનાર જોઇએ… આ કહેવત લાગુ પડતી હોય તેમ ગેંગ્સ ઓફ વાસેપુરની જેમ મહિલા સહિત બે ત્રણ જણાએ ત્રણ હજાર લોકોને બાટલીમાં ઉતારીને એટલી સરસ રીતે છેતર્યા કે તેમણે ખબર જ ના પડી અને ખબર પડી ત્યાં સુધીમાં મોડુ થઇ ગયું હતું.

દિલ્હી પોલીસના સ્પેશિયલ સેલના સાઈબર ક્રાઈમ યૂનિટે એક ગેંગનો પર્દાફાશ કર્યો છે. આ ગેંગ સાઈબર ક્રાઈમના રિપોર્ટ કરવા માટે સરકારી વેબસાઈટની મળી આવતી કેટલીક ડુપ્લીકેટ વેબસાઈટ બનાવી હતી. પહેલેથી જ સાઈબર ક્રાઈમનો શિકાર બનેલા લોકો આ વેબસાઈટ પર ફરિયાદ કે એફઆરઆઈ નોંધાવવા માટે પ્રયાસ કરતા હતા. તો અહીં તેમની પાસેથી પ્રોસેસિંગ ફીના નામે પૈસા પડાવી લેતામાં આવતા હતા. પોલીસે આ મામલે ગેંગ સાથે સંકળાયેલી 2 મહિલાઓ સહિત 12 લોકોને ઝડપી પાડ્યા છે. આ ગેંગે અંદાજે 3000 પીડિતોને સિન્ડિકેટથી છેતર્યા હતા.

સાઈબર ક્રાઈમ યૂનિટના ડીસીપી કેપીએસ મલ્હોત્રાના જણાવ્યા મુજબ, એક ફરિયાદ મળી હતી. જેમાં ફરિયાદીએ આરોપ લગાવ્યો હતો કે, જ્યારે છેતરપિંડીની એક ઘટના અંગે ફરિયાદ કરવાનો પ્રયાસ કર્યો હતો. તો આ ફરિયાદ કરવા માટે www.jansurkashakendara.in નામની વેબસાઈટ પર ગયા હતા. જે એક ક્રાઈમ રિપોર્ટિંગ પોર્ટલ હોવાનો દાવો કરી રહી હતી. ફરિયાદીએ વેબસાઈટ પર મુકેલા મોબાઈલ નંબર પર ફોન કર્યો હતો. ફોન પર એવું કહેવાયું કે, તેઓ સરકાર સાથે કામ કરતા અધિકૃત લોકો છે અને તેઓ છેતરપિંડી સંબંધમાં તેમની ફરિયાદ નોંધશે.

આરોપીઓ ફરિયાદીની પૂછપરછ કરવાના બહાને તેમની પાસેથી 2850 રૂપિયા વસૂલ્યા હતા. એક વખથ ચૂકવણી થઈ ગયા બાદ આ ગેંગે ફરિયાદીના મોબાઈલ નંબરને બ્લોક કરી દીધો હતો. આ સિવાય આ રીતે વધુ સાત ફરિયાદ નેશનલ સાઈબર ક્રાઈમ રિપોર્ટિંગ પોર્ટલ પર દાખલ કરી હતી. એક ફરિયાદ કર્ણાટકમાંથી પણ દાખલ થઈ છે. તપાસ દરમિયાન ખબર પડી કે છેલ્લા એક વર્ષમાં આ ગેંગે 1,74,00,000 રૂપિયા પડાવ્યા હતા. આ મામલે તપાસ કર્યા બાદ બે મહિલાઓ સહિત 12 લોકોને ઝડપી પાડ્યા હતા.

પોલીસે પ્રાથમિક તપાસ બાદ 7 લેપટોપ અને 25 મોબાઈલ, એક મારૂતિ કાર તથા 52,500 રૂપિયા રોકડા કબજે કર્યા છે. ધરપકડ કરવામાં આવેલા આરોપીઓમાંથી એક પી. સિંહ પાંડે નોઈડાનો રહેવાસી અને મુખ્ય માસ્ટર માઈન્ડ છે. તે પીડિતો પાસેથી 500 થી લઈને 30,000 રૂપિયા સુધીની રકમ વસૂલતા હતા. આરોપીએ જાહેર ફરિયાદ કેન્દ્ર, ગ્રાહક સુરક્ષા કેન્દ્ર, ન્યાય ભારત અને અન્ય નામોથી કેટલીક નકલી વેબસાઈટો પણ બનાવી હતી. પીડિત જ્યારે વેબસાઈટ પર આપવામાં આવેલા નંબર પર કરતા ત્યારે ફોન પર વાત કરતો શખ્સ પોતાની ઓળખ સરકારી અધિકારી તરીકે આપતા હતા.

 63 ,  3 

Net Dakiya News © 2019, All Rights Reserved

ગુજરાતી