September 19, 2021
September 19, 2021

અમદાવાદ : MD ડ્રગ્સના જથ્થા સાથે બેની ધરપકડ

અમદાવાદ ક્રાઇમ બ્રાંચનું સફળ ઓપરેશન

અમદાવાદ ક્રાઇમ બ્રાન્ચે MD ડ્રગ્સના જથ્થા સાથે બે આરોપીઓની ધરપકડ કરી છે. બાતમીને આધારે ક્રાઇમ બ્રાન્ચે નશીલા પ્રદાર્થોના જથ્થા સાથે બેને ઝડપી વધુ પૂછપરછ હાથ ધરી છે.

અમદાવાદ ક્રાઇમ બ્રાન્ચને બાતમી મળી હતી કે બારેજા ગામથી જેતલપુર ગામ તરફના હાઈ-વે પર બ્રિજના નાકે ડ્રગ્સની હેરાફેરી થવાની છે. જેના આધારે ક્રાઇમ બ્રાન્ચના સ્ટાફ વૉચ ગોઠવીને બે આરોપીને ઝડપી લીધા છે. ક્રાઇમ બ્રાન્ચે રૂપિયા 7 લાખના 70 ગ્રામ એમ ડી ડ્રગ્સ સાથે શાહઆલમના મોહમ્મદ સાદિક ઉર્ફે સજ્જુ પઠાણ અને મુંબઈના યાકુબ પલસારાને ઝડપી લીધા છે.

આરોપીની પૂછપરછમાં સામે આવ્યું છે કે મોહમ્મદ સાદિક ઉર્ફે સજ્જુએ મુંબઈના મુસ્તાક નામના વ્યક્તિ પાસેથી ડ્રગ્સ મંગાવ્યું હતું. યાકુબ પલસારા નામનો આરોપી મુસ્તાક પાસેથી આ જથ્થો લઈને ડિલિવરી આપવા માટે હોન્ડા સિટી કાર લઇને આવ્યો હતો. ડિલિવરી દરમિયાન બંને આરોપી ઓ ઝડપાઈ ગયા છે.

હાલ પોલીસે આ બંને આરોપીની પૂછપરછ શરૂ કરીને તેઓએ અત્યારસુધીમાં કેટલી વખત ડ્રગ્સની હેરાફેરી કરી છે? મોહમ્મદ સાદિક ઉર્ફે સજ્જુ અમદાવાદમાં ડ્રગ્સ કોને અને કેવી રીતે વહેંચતો હતો તે અંગે વધુ તપાસ શરૂ કરી છે.

 56 ,  1