રાજસ્થાનમાં અશોક ગેહલોત મંત્રીમંડળનું વિસ્તરણ, 15 નવા મંત્રીઓ સામેલ

રાજસ્થાનની અશોક ગેહલોત સરકારનું વિસ્તરણ કરાયું છે જેમાં નવા 15 મંત્રીઓેને સામેલ કરાયા છે.

રાજસ્થાનની અશોક ગેહલોત સરકારનું વિસ્તરણ કરાયું છે. નવા 15 મંત્રીઓએ કેબિનેટમાં સ્થાન આપવામાં આવ્યું છે. ગેહલોત સરકારના કેબિનેટ વિસ્તરણને એક સંતુલન સાધવાના પ્રયાસ તરીકે જોવાઈ રહ્યું છે. 

નવા શપથ લેનારા 15 મંત્રીઓમાં 11 કેબિનેટ અને 4 રાજ્યકક્ષાના મંત્રીઓ સામેલ છે. 11 કેબિનેટ મંત્રીઓમાં 3 ને બઢતી આપવામાં આવી છે. 

ઝાહિદા ખાન બન્યા રાજ્યકક્ષાના મંત્રી

ઝાહિદા ખાન રાજસ્થાન, હરિયાણા અને પંજાબમાં કેબિનેટ મંત્રી રહી ચુકેલા તૈયબ હુસેનની પુત્રી છે. મુસ્લિમ કોટા હેઠળ ઝાહિદાને મંત્રી બનાવાયા છે. તેઓ ભરતપુરની કામા બેઠકના ધારાસભ્ય છે. સંસદીય સચિવ પણ રહી ચૂક્યા છે. 


રાજેન્દ્ર સિંહ ગુઢાએ રાજ્યમંત્રીના શપથ લીધા

રાજેન્દ્ર સિંહ ગુઢા બસપામાંથી કોંગ્રેસમાં આવેલા છે તેમણે રાજ્યમંત્રી તરીકે શપથ લીધા

મુરારીલાલ મીણા ગેહલોત સરકારમાં બન્યા રાજ્યમંત્રી

મુરારીલાલ મીણા દૌસા વિધાનસભા બેઠકના ધારાસભ્ય છે. 2008 થી 2013 સુધી કોંગ્રેસ સરકારમાં મંત્રી રહ્યાં હતા. 

શકુંતલા રાવત બન્યા કેબિનેટ મંત્રી

શકુંતલા રાવત ગુર્જર સમૂદાયથી આવે છે. મુખ્યમંત્રીના વિશ્વાસપાત્ર પણ છે. અલવરની બાનસૂર બેઠક પરથી બે વારના ધારાસભ્ય છે. 


ભજનલાલ જાટવે કેબિનેટ મંત્રી પદના લીધા શપથ

ભજનલાલ જાટવ ભરતપુરની વૈર બેઠકના ધારાસભ્ય છે તેમણે કેબિનેટ મંત્રી તરીકે શપથ લીધા

રાજસ્થાનના પૂર્વ પ્રવાસન મંત્રી વિશ્વેન્દ્ર સિંહે લીધા શપથ

રાજસ્થાનના પૂર્વ પ્રવાસન મંત્રી વિશ્વેન્દ્ર સિંહે કેબિનેટ મંત્રી તરીકે શપથ લીધા

મહેશ જોશીએ લીધા શપથ 

રાજસ્થાન સરકારમાં મહેશ જોશીએ કેબિનેટ મંત્રી તરીકે શપથ લીધા. હવામહેલ વિધાનસભા બેઠકના ધારાસભ્ય મહેશ જોશી વ્યવસાયે ડોક્ટર છે. 

હેમા રામ ચોધરીએ સૌથી પહેલા લીધા મંત્રી પદના શપથ

6 વારના ધારાસભ્ય કોંગ્રેસના વરિષ્ઠ નેતા હેમા રામ ચોધરીએ સૌથી પહેલા મંત્રી પદના શપથ લીધા. 

‎આજે રાજસ્થાનમાં કેબિનેટનું વિસ્તરણ કરાઈ રહ્યું છે.  મંત્રીઓના નામ લગભગ અંતિમ સ્વરૂપ આપવામાં આવ્યા છે. પૂર્વ ડેપ્યુટી સીએમ સચિન પાયલટે કહ્યું છે કે, ઉણપ દૂર થઈ ગઈ છે અને બધું જ મળી ગયું છે, આખી પાર્ટી એક છે.

પરંતુ આ દરમિયાન કેટલાક ધારાસભ્યો ગુસ્સે થયા ની પણ ચર્ચા છે. બીજી તરફ કૃષિ કાયદા પાછા ખેંચવાની જાહેરાત બાદ આજે સંયુક્ત કિસાન મોરચાની બેઠક મળી હતી. જોકે આ બેઠકમાં કોઈ નિર્ણય લેવામાં આવ્યો ન હતો. આ બેઠક ૨૭ નવેમ્બર સુધી મુલતવી રાખવામાં આવી છે. ‎

સીએમ ગેહલોતે નવા મંત્રીઓની શુભેચ્છા પાઠવી‎

રાજસ્થાનમાં નવા મંત્રીમંડળની રચના બાદ મુખ્યમંત્રી અશોક ગેહલોતે ટ્વીટ કરી મંત્રી બનેલા તમામ ધારાસભ્યોને શુભેચ્છા પાઠવી હતી. તેમણે ટ્વીટ કર્યું હતું કે, “આજે રાજસ્થાન સરકારના મંત્રી તરીકે શપથ લેનારા તમામ ધારાસભ્યોને શુભેચ્છા. છેલ્લા 35 મહિનામાં અમારી સરકારે રાજ્યને સંવેદનશીલ, પારદર્શક અને જવાબદાર સુશાસન આપવાનું કામ કર્યું છે. તમામ પ્રતિકૂળતાઓ હોવા છતાં, આપણી સરકારે રાજ્યને વિકાસના માર્ગ પર આગળ વધાર્યું છે.‎

 21 ,  1 

Net Dakiya News © 2019, All Rights Reserved

ગુજરાતી