September 18, 2021
September 18, 2021

7 લાખના ઈનામી મોસ્ટ વોન્ટેડ ગેન્ગસ્ટર કાલા જઠેડીની ધરપકડ

દિલ્હી પોલીસના સ્પેશિયલ સેલને યુપીથી કરી ધરપકડ

દિલ્હી પોલીસના સ્પેશિયલ સેલને ભારે મોટી સફળતા હાથ લાગી છે. સ્પેશિયલ સેલે દેશના મોસ્ટ વોન્ટેડ ગેન્ગસ્ટર સંદીપ ઉર્ફે કાલા જઠેડીની સહારનપુર, યુપી ખાતેથી ધરપકડ કરી છે. આરોપીએ પોલીસ કસ્ટડીમાંથી ફરાર થવાનો અસફળ પ્રયત્ન કર્યો હતો. ગેન્ગસ્ટર જઠેડી પર 7 લાખ રૂપિયાનું ઈનામ છે. ગેન્ગસ્ટર પર દિલ્હી, પંજાબ, હરિયાણા, રાજસ્થાન, પંજાબમાં અનેક કેસ નોંધાયેલા છે. 

જઠેડીની ગેન્ગમાં 200 કરતા વધારે શૂટર્સ સામેલ છે. તેના મોટા ભાગના શૂટર્સ વિદેશમાં રહે છે અને વિદેશમાં બેસીને શૂટર આ ગેન્ગને ચલાવે છે. દિલ્હી પોલીસના સ્પેશિયલ સેલે કાલા જઠેડી પર મકોકા લગાવેલો છે. તે એક દશકાથી અપરાધની દુનિયા પર રાજ કરી રહ્યો છે. 

સ્પેશિયલ સેલ ડીસીપી મનીષી ચંદ્રાએ જણાવ્યું કે, સ્પેશિયલ સેલ ટીમ ઘણા લાંબા સમયથી કાલા જઠેડીની પાછળ પડી હતી. આ દરમિયાન ટીમે ટેક્નિકલ સર્વિલાન્સની મદદથી સહારનપુરથી શુક્રવારે કાલા જઠેડીની ધરપકડ કરી લીધી હતી. આરોપીએ પોલીસ પાસેથી બચીને ભાગવાનો પ્રયત્ન કર્યો હતો પરંતુ ટીમે ઘટના સ્થળે જ તેને પિસ્તોલ સાથે દબોચી લીધો હતો. કાલા જઠેડી આતંકના પર્યાય તરીકે ઓળખાવા લાગ્યો હતો અને હાલ સ્પેશિયલ સેલ ટીમ તેની પુછપરછ કરી રહી છે. 

 62 ,  1