અમદાવાદની મહિલાને ફેસબુકનો પ્રેમ ભારે પડ્યા, મુંબઇના યુવકે ફુલહાર કર્યા બાદ તરછોડી

લગ્નની લાલચ આપી છેતરપીંડી કરનાર મુંબઈના યુવક વિરુદ્ધ ફરિયાદ

ઘાટલોડીયાની મહિલા ફેસબુક માધ્યમથી મુંબઈ રહેતા યુવકના સંપર્કમાં આવી ત્યારબાદ બંન્ને વચ્ચે પ્રેમ થતા વાર ન લાગી, જો કે યુવકે મહિલા સાથે ફુલહાર કરી થોડા દિવસમાં પાછો મુંબઈ ચાલ્યો ગયો. ત્યારબાદ મહિલા યુવકને ફોન કરતી તો યુવક તેને ધાકધમકી આપતો હતો. જો કે મહિલાને લગ્નની લાલચ આપી છેતરપીંડી કરી હોવાનું જાણ થતા મહિલાએ ઘાટલોડીયા પોલીસ સ્ટેશનમાં ફરિયાદ નોંધાવી છે.

ઘાટલોડીયામાં રહેતી 45 વર્ષીય મહિલા ફેસબુક માધ્યમ દ્વારા મુંબઈ ખાતે રહેતા એક યુવકના સંપર્કમાં આવી હતી. થોડા દિવસ ફેસબુક પર વાતો કરતા કરતા બંન્ને વચ્ચે પ્રેમ થઈ ગયો અને બંન્ને અવાર નવાર મલવા લાગ્યા. દરમિયાન યુવકના પરિવારે મહિલાની વાતચીતમાં લગ્ન કરવાની વાત કરી હતી. ત્યારબાદ યુવકે ચાંદખેડાના એક મંદિરમાં મહિલા સાથે ફુલહાર કર્યા હતા. ત્યારબાદ ચાર દિવસ અલગ અલગ હોટલમાં બંન્ને રોકાયા હતા. દરમિયાન યુવકને મુંબઈ કામ હોવાનું કહીને મહિલાને મુકીને ચાલ્યો ગયો હતો. જો કે મહિલા ફોન કરે તો પણ યુવક ફોન ઉપાડતો ન હતો. અચાનક એક દિવસ યુવકે મહિલાને ફોન કરી અમદાવાદ રીવરફ્રન્ટે મળવા માટે બોલાવી હતી. ત્યારબાદ યુવકે મહિલાને જણાવ્યુ હતુ કે, તું મને ભુલી જા મારે બીજી છોકરી સાથે સગાઈ થઈ ગઈ છે તેમ કહી ત્યાંથી ચાલ્યો ગયો. જો કે મહિલા અવાર નવાર યુવકને ફોન કરે ત્યારે યુવક અને તેના પિતા મહિલાને ધાક ધમકી આપવા લાગ્યા હતા. જેથી મહિલાને લગ્નની લાલચ આપી પોતાની સાથે છેતરપીડી કરી હોવાની જાણ થતા ઘાટલોડીયા પોલીસ સ્ટેશનમાં મુંબઈમાં રહેતા યુવક અને તેના પિતાના વિરુદ્ધમાં ફરિયાદ નોંધાવી છે.

ફુલ હાર કર્યા પછી લગ્નની નોંધણી ન કરાવી

ફુલ હાર કર્યા પછી મહિલાએ યુવકને લગ્નની નોંધણી કરાવવાનું જણાવ્યું હતુ, જો કે યુવકે તેને પછી કરાવી દઈશું તેમ કહીને વાત ટાળી દીધી હતી. મહિલા જ્યારે પણ યુવકને લગ્નની નોંધણી કરાવવાનું કહેતી ત્યારે યુવક તે વાતને ટાળી દેતો હતો.

 22 ,  1 

રસપ્રદ

રાજકારણ

વ્યાપાર