September 20, 2021
September 20, 2021

અંબાલાલ પટેલે કરી ફરી આગાહી… ક્યારે વરસશે મેઘરાજા

બંગાળમાં ઉપસાગરનું વહન થયું સક્રિય

ગુજરાતમાં વરસાદ ખેંચાતા જળસંકટ ઊભુ થાય તેવી સ્થિતિ જોવા મળી રહી છે જો વરસાદ નહી પડે તો ખેડૂતોનો પાક નિષ્ફળ જવાની ભિતિ સેવાઈ રહી છે ત્યારે ગુજરાતમાં વરસાદને લઈને સારા સમાચાર આવી રહ્યા છે.

રાજ્યમાં વરસાદને લઈ અંબાલાલ પટેલે આગાહી કરતા જણાવ્યું છે કે બંગાળમાં ઉપસાગરનું વહન સક્રિય થયું છે જેથી 29 ઓગસ્ટથી દેશના મધ્યભાગમાં ચોમાસું સક્રિય થાય તેવું વર્તાઈ રહ્યું છે. આમ સપ્ટેમ્બરના શરૂઆતમાં દેશમાં 90 ટકા વિસ્તારમાં વરસાદ પડી શકે છે.

29 થી 31 ઓગસ્ટ દરમિયાન રાજ્યમાં સારો વરસાદ પડે તવું અનુમાન સેવવામાં આવ્યું છે. હવામાન નિષ્ણાંત અંબાલાલ પટેલના જણાવ્યા અનુસાર 29 ઓગસ્ટથી રાજ્યના હવામાનમાં પટલો આવશે જે બાદ 6 સપ્ટેમ્બરથી મધ્ય ગુજરાતમાં સારો વરસાદ પડે તેવી આગાહી વ્યક્ત કરવામાં આવી છે. જ્યારે કોઈ કોઈ ભાગોમાં વરસાદી ઝાપટા પડી શકે છે.

હવામાન નિષ્ણાંત અંબાલાલે ઉત્તર ગુજરાતમાં 30 અને 31 ઓગસ્ટે હવામાનમાં પલટો આવી શકે તેવું કહેવામાં આવી રહ્યું છે. તો 3 થી 10 સપ્ટેમ્બર સુધી કેટલાક વિસ્તારોમાં વરસાદ થવાની શક્યતાઓ સાથે 7થી 9 સપ્ટેમ્બર દરમિયાન ભારે વરસાદની સંભાવના જોવાઈ રહી છે.

જો કે 30 અને 31 ઓગસ્ટે પંચમહાલ આસપાસના પંથકમાં તેમજ વડોદરા સહિત મધ્ય ગુજરાત વરસાદ પડી શકે છે. તેમજ સૌરાષ્ટ્રમાં પણ ઓગસ્ટ અંત અને સપ્ટેમ્બર શરૂઆતમાં સારો વરસાદ પડશે તેવું અનુમાન લગાવવામાં આવ્યું છે. આમ હવામાન નિષ્ણાંત અંબાલાલ પટેલે આગાહી કરતા જણાવ્યું છે કે 6 થી 10 સપ્ટેમ્બર દરમિયાન ભારે વરસાદ પડી શકે છે.

 57 ,  1