કેન્દ્રીય ગૃહમંત્રી અમિત શાહે શુક્રવારે લોકસભામાં જમ્મુ-કાશ્મીર અનામત બિલ રજૂ કરી દીધું છે. તેઓએ સૌથી પહેલા ગૃહમાં જમ્મુ-કાશ્મીરમાં રાષ્ટ્રપતિ શાસનની અવધિ વધારવાનો પ્રસ્તાવ રજૂ કર્યો.
તેઓએ કહ્યું કે ડિસેમ્બર 2018માં જમ્મુ-કાશ્મીરમાં રાષ્ટ્રપતિ શાસન લાગ્યું હતું જે 2 જુલાઈ 2019ના રોજ પૂરું થઈ રહ્યું છે. ગૃહમંત્રીએ ગૃહને અનુરોધ કર્યો છે કે આ અવધિને 6 મહિના માટે લંબાવવામાં આવે.
શાહે કહ્યું કે, ધારાસભ્યોની ખરીદ વેચાણની ફરિયાદ બાદ રાજ્યપાલે 21 નવેમ્બર 2018 વિધાનસભાને ભંગ કરી દીધી હતી. 20 ડિસેમ્બર 2018થી રાજ્યમાં રાષ્ટ્રપતિ શાસન લાગુ થયું હતું.
જેને 3 જાન્યુઆરી 2019 રાજ્યસભાથી માન્યતા મળી હતી. 2જી જુલાઈના રોજ રાષ્ટ્રપતિ શાસન ખતમ થઈ રહ્યું છે. એવામાં મારી તમને વિનંતી અને માગ છે કે તેને 6 મહિના વધારી દેવામાં આવે.
ગૃહ મંત્રી અમિત શાહે આરક્ષણ સુધારાની દરખાસ્ત કરતા કહ્યું કે, તેનાથી રાજ્યમાં લોકોને ઘણો લાભ મળશે. તેમણે કહ્યું કે, આંતરરાષ્ટ્રીય બોર્ડરની આસપાસ રહેતા લોકોને પણ આરક્ષણનો લાભ મળવો જોઇએ. બોર્ડર પર થતા ગોળીબારની વચ્ચે રહે છે. જમ્મૂ અને કાશ્મીરમાં પ્રાદેશિક સંતુલન એક મોટી સમસ્યા છે.
ગત દિવસોમાં કેન્દ્રીય રાજ્ય ગૃહમંત્રી કિશન રેડ્ડીએ લોકસભામાં જમ્મુ-કાશ્મીર અનામત સંશોધન બિલ 2019 રજુ કર્યો હતો. જેના આધારે અનામત અધિનિયમ 2004માં સંશોધન કરવામાં આવશે.
બિલ થવાથી આંતરરાષ્ટ્રીય સરહદવાળા લોકોને પણ અનામતનો લાભ મળશે. સંશોધન પ્રમાણે LOC અને આંતરરાષ્ટ્રીય સરહદ પાસે રહેનારા લોકો જો સુરક્ષાના કારણોથી ત્યાં ચાલ્યા ગયા હોય તો તેમને પણ અનામતનો લાભ મળશે.
54 , 1
