આતંકવાદ બાદ નક્સલ પ્રભાવિત વિસ્તારને શાંત કરવા અમિત શાહની બેઠક…

કેન્દ્રીય ગૃહ મંત્રી અમિત શાહ આજે નક્સલ પ્રભાવિત રાજ્યોના મુખ્યમંત્રીઓ સાથે ઉચ્ચસ્તરીય બેઠક કરશે. આ બેઠક દિલ્હીના વિજ્ઞાન ભવન ખાતે યોજાશે. આ બેઠકમાં છત્તીસગઢ, બિહાર, ઝારખંડ, પશ્ચિમ બંગાળ, મધ્યપ્રદેશ, મહારાષ્ટ્ર, ઓડિશા, તેલગાંણા, આંધ્ર પ્રદેશ અને ઉત્તર પ્રદેશના મુખ્યમંત્રીઓને ઉપસ્થિત રહેવા જણાવવામાં આવ્યું છે. જો કે આ બેઠકમાં પશ્ચિમ બંગાળના મુખ્યમંત્રી મમતા બેનર્જી ઉપસ્થિત નહીં રહે તેવું સૂત્રો દ્વારા જાણવા મળ્યું છે.

ઉલ્લેખનીય છે કે આ પ્રથમ વખત છે જ્યારે અમિત શાહ નક્સલવાદના મુદ્દા પર યોજાનારી બેઠકની અધ્યક્ષતા કરશે. આ બેઠકને લઇને બિહાર, છત્તીસગઢ, ઝારખંડ, મધ્ય પ્રદેશ, મહારાષ્ટ્ર, ઓડિશા, તેલંગાણા, ઉત્તર પ્રદેશના મુખ્યમંત્રીઓ દિલ્હી પહોંચી ગયા છે.

કેન્દ્રીય ગૃહ મંત્રી અમિત શાહ નકસલ પ્રભાવિત રાજ્યના મુખ્યમંત્રીઓ સાથે બેઠકમાં આ મુદ્દે ચર્ચા કરશે. કાશ્મીર બાદ હવે નક્સલ પ્રભાવિત વિસ્તારને શાંત કરવા અમિત શાહ પોતાની રણનીતિ મુખ્યમંત્રીઓ સમક્ષ રજૂ કરશે.

 54 ,  1 

Net Dakiya News © 2019, All Rights Reserved

ગુજરાતી