અમદાવાદના રવિશ રામચંદાનીની યુવા સેના ગુજરાત પ્રદેશ કાર્યકારી અધ્યક્ષ તરીકે નિમણૂક

કોવિડની મહામારી દરમ્યાન નિસ્વાર્થ અથાગ પરિશ્રમનું ફળ મળ્યુ

અમદાવાદ ખાતે પ્રજાના કર્યો માટે તત્પર, કાર્યરત અને ઉત્સુક રહેનાર યુવા સેના ગુજરાત પ્રદેશના પૂર્વ મંત્રી રવિશભાઈ રામચંદાની યુવા સેના ગુજરાત પ્રદેશ કાર્યકારી અધ્યક્ષ તરીકે નિમણૂક કરવામાં આવી છે.

અમદાવાદના ઘાટલોડિયા વિસ્તારમાં રહેતા રવીશભાઈ દ્વારા કોવિડની મહામારી દરમ્યાન અનેક લોકપયોગી કાર્યો અને સેવા આપવામાં આવી છે. જેમાં સોસાયટીઓ અને ઝુંપડીઓને સેનેટાઇઝ કરાવવી, જરૂરતમંદોને અનાજ કીટનું વિતરણ તેમજ ભોજન માટેની વ્યવસ્થા અને માસ્કનું વિતરણ. માં કાર્ડ, રેશનકાર્ડ અને વિધવા સહાય યોજનામાં તેમજ હોસ્પિટલ ખાતે લોકોને દાખલ થવા અને સારવારમાં મદદરૂપ સાથે ફ્રુટ વિતરણ, ફૂટપાથ પર સુતા લોકોને ધાબળાનું વિતરણ તેમજ બનાસકાંઠા જિલ્લાની આસપાસ આંગણવાડી કેન્દ્રોમાં ગરમ કપડાંનું વિતરણ જેવી અથાગ અવિરત સેવા આપી ચુક્યા છે અને હાલ પણ આપી રહ્યા છે.

તેમની લોકો માટે નિસ્વાર્થ અથાગ મેહનત અને સેવાના ફળરૂપે આજે તેઓએ યુવા સેનામાં કાર્યકારી અધ્યક્ષ તરીકે નિયુક્તિ મેળવી છે જે ગર્વની વાત કહી શકાય. તેઓ આગળ આવનાર સમયમાં પણ વધુ સારી રીતે લોકોની સેવાના કાર્યો વધુ વેગ સાથે કરી શકશે.

 16 ,  1 

Net Dakiya News © 2019, All Rights Reserved

ગુજરાતી