સંભાળજો, 125 દિવસ કાઠા ન પડે….!

નિષ્ણાંતો કહે છે 125 દિવસ ભારે પડી શકે

વડાપ્રધાન મોદીએ વારંવાર લોકોને અપીલ કરી છે કે, ત્રીજી લહેરથી બચો સંક્રમણની ત્રીજી લહેર આવશે નહીં. પણ જે રીતે લોકો હરવા ફરવા માટે નિકળી પડ્યા છે. તેના પગલે ત્રીજી લહેર નહીં તો જ નવાઇ…એવા સંજોગામાં સામન્ય લોકોએ આગામી 125 દિવસ સાચવી લેવા પડે તેમ છે.

આરોગ્ય મંત્રાલયે ચેતવણી આપતા કહ્યું છે કે આખા વિશ્વમાં કોરોનાની ત્રીજી લહેર આંગણે ટકોરા પાડી રહી છે. જો આપણે કોરોનાના નિયમોનું પાલન નહીં કરીએ તો આપણે તેનું પરિણામ પણ ભોગવવું પડશે. નીતી આયોગના સભ્ય (આરોગ્ય) ડો.વી.કે. પૉલે શુક્રવારે કહ્યું હતું કે કોવિડ -19 સામેની લડતમાં આગામી 100-125 દિવસ નિર્ણાયક છે. તેમણે કહ્યું કે વડા પ્રધાન નરેન્દ્ર મોદીએ મહામારીની ત્રીજી લહેરને રોકવા માટે લક્ષ્ય આપ્યું છે અને તે શક્ય છે બસ જરુર છે આપણે કોરોના નિયમો પાળવાની. ડો.વી.કે. પૉલે કહ્યું કે વિશ્વ COVID-19 ની ત્રીજી લહેર તરફ આગળ વધી રહ્યું છે અને વડા પ્રધાને પણ આ અંગે ઉલ્લેખ કરતાં એક ચેતવણી આપી છે કે કોઈપણ બાબતને હળવાશથી લેવામાં ન આવે. કોરોના હજુ ક્યાંય નથી ગયો તે આપણી આસપાસ જ છે.

પૉલે કહ્યું કે,”ઉત્તર અને દક્ષિણ અમેરિકાના કેટલાક વિસ્તારોને બાદ કરતાં દુનિયામાં વર્લ્ડ હેલ્થ ઓર્ગેનાઇઝેશન (WHO) હેઠળના અન્ય વિસ્તારો ખરાબથી વધુ ખરાબ સ્થિતિ તરફ આગળ વધી રહ્યા છે.” વિશ્વ ત્રીજી લહેર તરફ આગળ વધી રહ્યું છે અને તે એક તથ્ય છે. પીએમ મોદીએ અમને આ ભયને એક ચેતવણી તરીકે લેવાનું કહ્યું છે. ત્રીજી લહેરને રોકવાનો જે લક્ષ્યાંક અમને આપવામાં આવ્યો છે તે શક્ય છે. જોકે આ માટે આપણે બધાએ સાવધાની રાખવાની જરુર છે.

નીતિની આયોગના સભ્યો(આરોગ્ય)એ એ જણાવ્યું કે છેલ્લા સપ્તાહમાં સ્પેનમાં કોરોનાવાયરસના કેસમાં 64 ટકાનો વધારો જોવા મળ્યો છે. જ્યારે નેધરલેન્ડ્સમાં 300 ટકાનો વધારો જોવા મળ્યો છે. “જો તમે ઇન્ડોનેશિયા, બાંગ્લાદેશ, થાઇલેન્ડ પર નજર નાખો…તો થાઇલેન્ડમાં બધુ જ બરાબર થઈ ગયું હતું. પરંતુ કેસમાં અચાનક વધારો જોવા મળી રહ્યો છે.” પૉલે કહ્યું. જો તમે આફ્રિકાના આંકડા પર નજર નાખો તો કેસમાં 50 ટકા સુધીનો વધારો થયો છે.” તેમણે ઉમેર્યું હતું કે, આગામી 100-125 દિવસ નિર્ણાયક બની રહેશે.

પૉલે કહ્યું કે આપણા દેશમાં હજુ પણ વસ્તીનો એક મોટો ભાગ કોરોના સંક્રમણના જોખમનો સામનો કરી રહ્યો છે. “ત્રીજી લહેરનો પ્રશ્ન વારંવાર ઉઠતો રહે છે. તેવું એટલા માટે છે કારણ કે હજુ પણ આપણી વસ્તી જોખમમાં છે. આપણે હજુ સુધી ‘હર્ડ ઇમ્યુનિટી’ ના સ્તરે પહોંચ્યા નથી કે નથી આપણે સંક્રમણના તબક્કામાં પહોંચ્યા. આપણે વધુ લોકોને સંક્રમણ થાય અને તેના દ્વારા ‘હર્ડ ઇમ્યુનિટી’ આવે તેવું ઈચ્છતા નથી કારણ કે તેમાં જોખમ ખૂબ જ વધારે રહેલું છે.

પૉલે સ્પષ્ટ કર્યું કે રસી મામલે આપણે પ્રગતિ કરી રહ્યા છીએ અને 45 વર્ષથી વધુના વયના આપણા સૌથી સંવેદનશીલ જૂથમાંથી લગભગ 50 ટકા લોકો સુરક્ષિત છે. તેનાથી મૃત્યુદર પર પણ અસર પડશે અને તેમાં ઘટાડો આવશે, પરંતુ સંક્રમણ ફેલાઇ શકે છે. આપણે હજુ સંપૂર્ણ સુરક્ષિત નથી, વાયરસ હજુ પણ આસપાસ છે.

 69 ,  1