જામનગર કોર્પોરેશનમાં ભાજપ સતત છઠ્ઠીવાર સત્તામાં, બસપાની થઇ એંટ્રી

સાંસદ પૂનમબેન માડનએ જીત બદલ જનતાનો આભાર માન્યો

જામનગર મ્યુનિસિપલ કોર્પોરેશનની ચૂંટણીમાં ભારતીય જનતા પાર્ટીએ ધમાકેદાર પ્રદર્શન કરી સતત છઠ્ઠી વખત સત્તા કબજે કરી છે. તો કોંગ્રેસ પાર્ટીને અહીં પણ નિરાશા હાથ લાગી છે. 64 સીટો ધરાવતા જામનગર કોર્પોરેશનમાં ભારતીય જનતા પાર્ટી 50 સીટો જીતવામાં સફળ રહી છે. કોંગ્રેસને માત્ર 11 સીટોથી સંતોષ કરવો પડ્યો છે. તો માયાવતીની પાર્ટી બહુજન સમાજ પાર્ટીના ખાતામાં ત્રણ સીટ આવી છે. 

BJPએ ગુજરાતમાં તમામ કોર્પોરેશન પર કબજો કર્યો છે. જામનગર કોર્પોરેશન ભાજપનો ગઢ ગણવામાં આવે છે. પાર્ટીએ અહીં સતત છઠ્ઠી વખત સત્તા મેળવવામાં સફળતા મેળવી છે. જામનગરના સાંસદ પૂનમબેન માડનએ જીત બાદ મતદારોનો આભાર માન્યો હતો. 

જામનગર કોર્પોરેશનના 16 વોર્ડની કુલ 64 સીટો છે. ભારતીય જનતા પાર્ટીએ અહીં 50 સીટો પર વિજય મેળવ્યો છે. તો 11 બેઠક કોંગ્રેસ અને ત્રણ બહુજન સમાજવાદી પાર્ટીને મળી છે. આ સિવાય કોઈ પાર્ટી કે અપક્ષ ખાતુ ખોલાવી શક્યા નથી. 

2015ની ચૂંટણીનું પરિણામ

ગત ચૂંટણીમાં એટલે કે 2015ના વર્ષમાં જામનગર કોર્પોરેશનની 64 બેઠકમાંથી ભાજપના ફાળે 38 બેઠક ગઈ હતી. જ્યારે કૉંગ્રેસના ફાળે 24 બેઠક ગઈ હતી. બે બેઠક અન્ય પક્ષના ફાળે ગઈ હતી.

ભારતીય જનતા પાર્ટીની બેઠક વધી

2021 અને 2015ની ચૂંટણીની સરખામણી કરવામાં આવે તો જામનગર કોર્પોરેશનમાં ભાજપની બેઠકમાં વધારો થયો છે. ભારતીય જનતા પાર્ટીની 12 બેઠક વધી છે. જ્યારે કૉંગ્રેસ પાર્ટીને 13 બેઠકનું નુકસાન થયું છે.

 49 ,  1