September 20, 2021
September 20, 2021

વલસાડમાં સવા કરોડ રૂપિયાની સિગરેટની ચોરી, ફરિયાદી જ નીકળ્યો ચોર

મુંબઈથી અમદાવાદ આવતો સિગારેટનો જથ્થો ચોરાયો

વલસાડ નજીક ડુંગરી પાસે મુંબઈથી અમદાવાદ આવી રહેલા સવા કરોડથી વધુની કિમતના સિગારેટના જથ્થાની ચોરી થઇ હોવાને મામલે પોલીસે ટેમ્પા ચાલાક અને ક્લીનરની અટકાયત કરી પૂછપરછ હાથ ધરી છે.

મુંબઈથી અમદાવાદ આવી રહેલા સિગારેટના જથ્થાની ચોરી થયાની ફરિયાદ વલસાડ નજીક ડુંગરી ગામે નોંધાઈ છે. ચોરાયેળા સિગારેટના આ જથ્થાની બજાર કીમત 1.27 કરોડ જેટલી થવા જાય છે. મુંબઈની ઇસ્ટ ઇન્ડીયા કંપનીના ટ્રાન્સપોર્ટમાં સીગારેટનો મસમોટો જથ્થો મુંબઈથી અમદાવાદ આવી રહ્યો હતો.દરમિયાન વલસાડના ડુંગરી પાસે સિગારેટના 273 બોક્સ ચોરી થયાનું માલુમ પડ્યું. આ સિગારેટના તમામ બોક્સની મળીને બજાર કીમત 1.27 કરોડ જેટલી થવા જાય છે સિગારેટ કંપનીએ વલસાડના ડુંગરી પોલીસ મથકમાં સિગારેટના બોક્સ ચોરી થયાની ફરિયાદ નોંધાવતા,શંકાના આધારે ટેમ્પો ચાલક અને કલીનરની ધરપકડ કરી છે.

ડુંગરી પોલીસ સ્ટેશનમાં મહારાષ્ટ્રના ભિવંડીના એક ટ્રાન્સપોર્ટરે તેના ટેમ્પોના ચાલક અને ક્લિનરે અજાણ્યા શખ્સો સાથે મળી ટેમ્પોમાં ભરેલા 1 કરોડ 27 લાખથી વધુની કિંમતના સિગરેટના બોક્સની બારોબાર ચોરી કરી હોવાના આક્ષેપ સાથે ફરિયાદ દાખલ કરી છે. ફરિયાદ દાખલ થતાં જ ડુંગરી પોલીસ દોડતી થઇ ગઇ હતી. જોકે આ મામલે ટેમ્પો માલિક કિરણ પટેલ અને ટ્રાન્સપોર્ટર પોલીસ સ્ટેશન ફરિયાદ કરવા પહોંચેએ પહેલા જ ટેમ્પોના ચાલક અને  ક્લીનર જાતે જ પોલીસ સ્ટેશન જઈને તેમને બંધક બનાવી અજાણ્યા શખ્શો ટેમ્પોમાંથી 1.27 કરોડની કિંમતની સિગારેટની લૂંટ કરીને ફરાર થઈ ગયા હોવાની પોલીસ સમક્ષ વાત કરી હતી. 

ફરિયાદ દાખલ કરાવવા પોલીસ સ્ટેશન પહોંચ્યા હતા. જોકે પોલીસે ટેમ્પોના માલિક અને ટ્રાન્સપોર્ટરને જાણ કરતાં તે પણ ડુંગરી પોલીસ સ્ટેશન પહોંચ્યા હતા. ત્યારબાદ તેમણે પોતાના જ ટેમ્પોના ચાલક અને ક્લિનર  વિરુદ્ધ કરોડોની કિંમતની સિગારેટની ચોરી કરી હોવાના આક્ષેપ સાથે ફરિયાદ નોધાવી હતી. જોકે ટેમ્પોમાં લગાવેલ જીપીએસ સિસ્ટમના ડેટા અને ટેમ્પા ચાલાકના નિવેદનમાં તફાવત આવતા ડુંગરી પોલીસે આરોપી ટ્રક ચાલાક રાજકુમાર સિંગ અને ક્લીનર  દિનેશ સિંગની ધરપકડ કરી લીધી છે.

કરોડોની સિગરેટ ચોરી પ્રકરણમાં ફરિયાદી જ આરોપી નીકળ્યો

આ ઘટનામાં ટેમ્પા ચાલકે ચોરીની જે કેફિયત પોલીસ સમક્ષ જણાવી તે ખુબ જ રસપ્રદ છે. રાજકુમારના મતે પોતે મુંબઈના મસ્જિદ બંદર રોડ પર આવેલા ઇસ્ટ ઇન્ડિયા ટ્રાન્સપોર્ટ એજન્સીમાંથી એક ટેમ્પો 1 કરોડ 64 લાખ અને 24 હજાર રૂપિયાની કિંમતના સિગરેટ ભરેલા 351 બોક્ષ લઇ એક ટેમ્પો અમદાવાદના અસલાલી તરફ જવા નીકળ્યો હતો. જોકે વલસાડ જિલ્લાના સોનવાડા નજીક અમદાવાદ-મુંબઈ નેશનલ હાઈવે પર બે ગાડીમાં આવેલા અજાણ્યા શખસોએ ટેમ્પો રોકાવી ડ્રાઇવર અને ક્લિનરનું અપહરણ કરીને તેમને બંદી બનાવી ટેમ્પોમાંથી 273 બોક્સમાં ભરેલી 1 કરોડ અને 27 લાખની કિંમતની સિગારેટની ચોરી કરી અને ઘટના સ્થળેથી ફરાર થઇ ગયા હતા.

બે કારમાં આવેલા અજાણ્યા શખસોએ ડ્રાઈવરને ક્લીનરના હાથ-પગ બાંધી અને તેમને શેરડીના ખેતરમાં મૂકી દીધા હોવાની વાત સાથે ટેમ્પોના ચાલક અને ક્લિનર વલસાડ જિલ્લાની ડુંગરી પોલીસ સ્ટેશન પહોંચ્યા હતા. જોકે પોલીસ તપાસમાં ટેમ્પાના ટ્રેકિંગ સિસ્ટમ અને મોબાઈલ લોકેશનના ડેટાએ આ ટેમ્પા ચાલક અને ક્લીનરની બાજી પલ્ટી નાખી છે.

કરોડોની સિગરેટ ચોરી પ્રકરણમાં ફરિયાદી જ આરોપી નીકળ્યા છે. બંને ટ્રક ચાલાક અને ક્લીનરની ધરપકડ ડુંગરી પોલીસે કરી લીધી છે. ડુંગરી પોલીસે ઊંડાણપૂર્વક તપાસ હાથ ધરી છે. કરોડોની સિગરેટ ચોરીકાંડમાં આ ટ્રક ચાલક અને ક્લીનર સિવાય અન્ય બીજા કેટલા સંડોવાયેલા છે તેવા સવાલોના જવાબ મેળવવા પોલીસે ચક્રોગતિમાન કર્યા છે.

 32 ,  1