CM યોગીએ યુપીથી તાલિબાનોને આપી ચેતવણી..

યુપી વિધાનસભાની ચૂંટણીમાં તાલિબાનની એન્ટ્રી 

ઉત્તર પ્રદેશમાં થોડા જ મહિનાઓમા વર્ષ 2022માં વિધાનસભાની ચૂંટણી થવા જઈ રહી છે જે માટે કોંગ્રેસ, ભાજપ અને સમાજવાદી પાર્ટી દ્વારા અત્યારથી પ્રચાર પ્રસાર શરૂ કરી દેવામાં આવ્યો છે. કોંગ્રેસ સામે તો યુપીમાં પોતાનું અસ્તિત્વ ટકાવી રાખવાનો જ પડકાર છે જ્યારે સમાજવાદી પાર્ટીના અખિલેશ યાદવને ફરીથી મુખ્યમંત્રી બનવું છે, એવામાં વર્તમાન મુખ્યમંત્રી યોગી આદિત્યનાથ પણ જોરદાર હુમલાઓ કરી રહ્યા છે. રવિવારે યોગીએ પીએમ મોદીના વખાણની સાથે તાલિબાનને ધમકી આપી હતી.

રવિવારે યોગી આદિત્યનાથે કહ્યું કે આજે પ્રધાનમંત્રી મોદીના નેતૃત્વમાં દેશ ખૂબ જ શક્તિશાળી છે, કોઈ દેશની તરફ આંખ ઉઠાવીને જોવાની હિંમત નથી કરતું. આજે તાલિબાનથી પાકિસ્તાન અને અફઘાનિસ્તાન પરેશાન છે પરંતુ તાલિબાનીઓ જાણે છે કે ભારત તરફ વધ્યા તો એરસ્ટ્રાઈક થવી નિશ્ચિત છે.  

યોગીએ કહ્યું કે મહોમ્મદ ગોરી અને ગાઝીના વોટબૅંકના ભયથી કેટલાક લોકો હિન્દુ રક્ષક મહારાજા સુહેલદેવથી ડરી રહ્યા છે, તેમને ડર છે કે મહારાજાનું સ્મારક બનવાથી લોકો ગાઝીને ભૂલી જશે. આ જ ભયથી કેટલાક લોકો મહારાજા સુહેલદેવનાં સ્મારકનો વિરોધ કરી રહ્યા છે. 

 37 ,  1 

Net Dakiya News © 2019, All Rights Reserved

ગુજરાતી