કોંગ્રેસ નેતા કપિલ સિબ્બલ કહે છે પક્ષમાં શું ચાલી રહ્યું છે મને ખબર નથી…..

શંકરસિંહ બાપુના કોંગ્રેસ પ્રવેશ અંગે કહ્યું કે…..

આજે ગાંધી જયંતી નિમિતે કોંગ્રેસના દિગ્ગજ નેતા કપિલ સિબ્બલ ગુજરાતની મુલાકાતે આવ્યા છે ત્યારે સિબ્બલે અમદાવાદ સ્થિત ગાંધી આશ્રમની મુલાકાત લીધી હતી અને ગાંધી જયંતિ નીમિતે ગાંધીજીની પ્રતિમાના પુષ્પાંજલિ અર્પણ કર્યા હતા તેમજ ગાંધી આશ્રમમાં બાળકોને મળ્યા હતા.

કોંગ્રેસ નેતા કપિલ સિબ્બલે ગુજરાત કોંગ્રેસ પ્રદેશ પ્રમુખ અને વિપક્ષ નેતાની નિમણૂંકને લઇ નિવેદન આપ્યું. તેઓએ કહ્યું કે પ્રદેશ પ્રમુખ અને વિપક્ષ નેતા નક્કી કરવાનું કામ હાઇકમાન્ડનું છે અને દિલ્હીથી તે નક્કી થશે સાથે જ શંકરસિંહ વાઘેલાને લઇને પણ તેઓએ કહ્યું કે નિર્ણય શંકરસિંહ વાઘેલા અંગેનો નિર્ણય હાઇકમાન્ડ કરશે અમે તો વર્કર છીએ.

કપિલ સિબ્બલે કોંગ્રેસ તૂટવા મુદ્દે પણ કહ્યું કે કોંગ્રેસ તૂટે છે તેમાં મારું કોઈ યોગદાન નથી, ક્યાં કારણથી તૂટે છે કોંગ્રેસ, ક્યાં કારણથી લોકો કોંગ્રેસ છોડે છે તે સવાલ અન્યને પૂછો, હું કોંગ્રેસનો સિનિયર છું કોંગ્રેસમાં જે નિર્ણય થાય છે તેની જાણકારી મને નથી હોતી વધુમાં તેમણે જણાવ્યું હતું કે દેશમાં ઘણા પ્રશ્નો અમારી સામે છે, દેશ સામે સૌથી મોટો સવાલ પેગાસસ છે. ભાજપના મંત્રીએ ગૃહમાં સ્વીકાર્યું કે દેશમાં પેગસસથી જાસૂસી થાય છે. અંતે સિબ્બલે દેશ અને રાજ્યમાં કોંગ્રેસ અને વિપક્ષે મજબૂત થવાની જરૂર છે તેવું જણાવ્યું હતું.

 54 ,  3 

Net Dakiya News © 2019, All Rights Reserved

ગુજરાતી