September 21, 2020
September 21, 2020

દેશમાં સંક્રમિતોની સંખ્યા 50 લાખને પાર, મૃત્યુઆંક 82 હજારને પાર

 છેલ્લા 24 કલાકમાં નવા 90 હજારને પાર કેસ નોંધાયા, 1290 દર્દીનાં મોત

દેશમાં કોરોનાની સ્થિતિ દિવસેને દિવસે વિકરાળ રૂપ ધારણ કરી રહી છે. છેલ્લા 10 દિવસથી દેશમાં રોજના સરેરાશ 90 હજાર કેસ અને 1000 મોતનો આંકડો નોંધાઈ રહ્યો છે. ભારતમાં હાલ કોરોનાનો આંકડો 50 લાખને પાર કરી ગયો છે અને મૃત્યુઆંક 82 હજારને વટાવી ગયો છે.

સ્વાસ્થ્ય મંત્રાલય દ્વારા જાહેર કરવામાં તાજા આંકડા પ્રમાણે, દેશમાં છેલ્લા 24 કલાકમાં 90,123 નવા કોવિડ-19 કેસ નોંધાયા છે અને 1,290 લોકોના મોત થયા છે. આ સાથે દેશમાં કોરોના સંક્રમિતોની સંખ્યા 50 લાખને પાર કરી ગઈ છે. દેશમાં કોરોના સંક્રમિતોની સંખ્યા 50,20,360 પર પહોંચી છે. જેમાંથી 9,95,933 એક્ટિવ કેસ છે અને 39,42,361 લોકોને ડિસ્ચાર્જ કરી દેવામાં આવ્યા છે. દેશમાં કોરોનાથી મૃત્યુઆંક 82,066 પર પહોંચ્યો છે.

આ ઉપરાંત, ઈન્ડિયન કાઉન્સિલ ઓફ મેડિકલ રિસર્ચ (ICMR)એ બુધવારે જાહેર કરેલા આંકડાઓ મુજબ, 15 સપ્ટેમ્બર સુધીમાં ભારતમાં કુલ 5,94,29,115 કોરોના સેમ્પલનું ટેસ્ટિંગ કરવામાં આવ્યું છે. નોંધનીય છે કે, મંગળવારે 24 કલાકમાં 11,16,842 સેમ્પલનું ટેસ્ટિંગ કરવામાં આવ્યું છે.

ગુજરાતમાં 14મી સપ્ટેમ્બરે કોરોના વાયરસના 1349 નવા કેસ પોઝિટિવ નોંધાયા છે, જ્યારે 1444 દર્દીઓ સાજા થતા તંત્રએ રાહતનો શ્વાસ લીધો છે. 24 કલાક દરમિયાન રાજ્યના જુદા જુદા વિસ્તારોમાં કોરોના વાયરસના 17 દર્દીનાં મોત થયા છે. દરમિયાન રાજ્યમાં પોઝિટિવ કેસનો આંકડો ને 1,16,345 એ પહોંચી ગયો છે.

દેશમાં કોરોનાથી સૌથી વધારે અસરગ્રસ્ત રાજ્યમાં મહારાષ્ટ્ર મોખરે છે. ગુજરાતને અડીને આવેલા આ રાજ્યમાં કોરોનાના કેસ 11 લાખ નજીક પહોંચી ગયા છે અને કુલ મરણાંક 30 હજારને પાર થઈ ગયો છે. આંધ્રપ્રદેશમાં પણ કોરોના સંક્રમિતોનો આંકડો પાંચ લાખને વટાવી ગયો છે.

વિશ્વમાં કોરોના સંક્રમિત દેશોમાં ભારત અમેરિકા પછી બીજા ક્રમે છે. જ્યારે મૃત્યુઆંકની દ્રષ્ટિએ અમેરિકા, બ્રાઝિલ પછી ત્રીજા ક્રમે છે. અમેરિકામાં 1.99 લાખ, બ્રાઝિલમાં 1.32 લાખ લોકોના કોરોનાથી મોત થયા છે.

 74 ,  1 

રસપ્રદ

રાજકારણ

વ્યાપાર