ગુજરાત એન્ટી લેન્ડ ગ્રેબીંગ હેઠળ નિખિલ દોંગા ગેંગના ચાર શખ્સો વિરૂદ્ધ ગુનો

ગોંડલના ચાર શખ્સો વિરૂદ્ધ ગુજરાત એન્ટી ગ્રેબીંગ કાયદા હેઠળ ગુનો નોંધાયો

ગુજરાત એન્ટી લેન્ડ ગ્રેબીંગ હેઠળ વીરપુરમાં નિખિલ દોંગા ગેંગના ચાર શખ્સો વિરૂદ્ધ ગુનો, 75 વીઘા જમીનના દસ્તાવેજ કરી બે ખેડૂતની જમીન પચાવી હતી, ગોંડલના ચાર શખ્સો વિરૂદ્ધ ગુજરાત એન્ટી ગ્રેબીંગ કાયદા હેઠળ ગુનો નોંધાયો

ગુજરાત એન્ટી લેન્ડ ગ્રેબીંગના કાયદા હેઠળ રાજકોટ જિલ્લામાં પ્રથમ ગુનો નોંધાયો છે. રાજકોટ જિલ્લામાં પ્રથમ આ ગુનો વીરપુરમાં નોંધાયો છે. ગોંડલના કુખ્યત શખ્સ નિખિલ દોંગા ગેંગના ચાર શખ્સો વિરૂદ્ધ આ ગુનો નોંધી પોલીસ આગળની કાર્યવાહી હાથ ધરી છે. આ ચાર શખ્સોએ 75 વીઘા જમીનનો દસ્તાવેજ કરાવી પુરતી રકમ ન ચૂકવી ખેડૂતની જમીન પચાવી પાડી લીધી હતી. આથી બંને ખેડૂતે વીરપુર પોલીસ સ્ટેશનમાં ફરિયાદ નોંધાવી હતી. જેના આધારે આજે રાજકોટ જિલ્લા પોલીસ વડા બલરામ મીણાએ ચાર શખ્સો વિરૂદ્ધ ગુજરાત એન્ટી ગ્રેબીંગ કાયદા હેઠળ ગુનો દાખલ કર્યો છે.

ગુજસીટોક હેઠળ જેની સામે અગાઉ ગુનો નોંધાયો હતો તે નિખિલ દોંગાની ગેંગના ચાર શખ્સો સામે વીરપુર પોલીસ સ્ટેશનમાં ગુનો દાખલ થયો છે. મૂળ ગોંડલના ચરખડીના વતની હાલ ગોડલ નારાયણ નગર પુનિતનગર શારદા સ્કૂલ પાસે રહેતાં ગજેન્દ્રભાઇ ઉર્ફ ગીજુભાઇ શીવાભાઇ સાંગાણી નામના ખેડૂતની ફરિયાદ પરથી પોલીસે ગોંડલના કમલેશ રાજુભાઇ સિંધવ, નરેશ રાજુભાઇ સિંધવ, રમેશ રાજુભાઇ સિંધવ અને બચુ ગમારા સામે આઇપીસી 406, 420, 447, 386, 323, 504, 506 (2), 120 (બી) તથા ગુજરાત એન્ટી લેન્ડ ગ્રેબીંગ એક્ટ તથા જીપી એક્ટ 135 મુજબ ગુનો નોંધ્યો છે.

રાજકોટ જિલ્લા પોલીસ વડા બલરામ મીણાએ પ્રેસ કોન્ફરન્સમાં જણાવ્યં હતું કે, લેન્ડ ગ્રેબિંગ એક્ટનો કાયદો આવ્યા બાદ પ્રથમ ગુનો દાખલ કરવામાં આવ્યો છે. ચાર આરોપીઓ વિરૂદ્ધ ગુનો દાખલ કરવામાં આવ્યો છે. રમેશ સિંધવ, કમલેશ સિંધવ, નરેશ સિંધવ નામના ત્રણ ભાઈઓ વિરૂદ્ધ ગુનો દાખલ કરવામાં આવ્યો છે. ધીરુભાઈ ગમારા નામનો આરોપી ગોંડલ નગર પાલિકામાં કોન્ટ્રાકટ આધારિત નોકરી કરે છે, ચાર આરોપીઓ પૈકી નરેશ સિંધવ નિખિલ દોંગાનો સાગરીત છે, નરેશ સિંધવ ગુજસીટોકના ગુનામાં હાલ જેલમાં છે. ચાર આરોપીઓ પૈકી બે આરોપીઓ કમલેશ સિંધવ અને નરેશ સિંધવ જેલમાં છે અને રમેશ સિંધવ અને ધીરુભાઈ ગમારાની પોલીસે ધરપકડ કરી છે.

ફરિયાદમાં જણાવ્યા મુજબ આરોપીઓએ ગુનાહિત કાવત્રુ ઘડી વિશ્વાસમાં લઇ ફરિયાદી અને તેના પરિવારના સભ્યો અને ખેડૂતની વીરપુર સર્વે નં. 560ની આશરે 90 વીઘા પૈકી 75 વીઘા જમીનનો દસ્તાવેજ કરાવી લીધો હતો. અવેજની પુરતી રકમ નહિ ચુકવી તેમજ આ સર્વે નંબર પૈકી ફરિયાદીના નામે આવેલી 10 વીઘા જમીન તથા તેના ખેડૂતના નામે આવેલી 5 વીઘા જમીન ફરિયાદી તથા સાહેદોને ધાક ધમકી આપી બળજબરીથી પચાવી લીધી હતી. તેમજ કમલેશ સિંધવે ફરિયાદીને પોતાના ફાર્મ હાઉસે બોલાવી બીજા ત્રણ સાથે મળી અપમાનીત કરી લાકડીથી પગની ઘુંટીએ માર મારી ધમકી આપી હતી. આ અંગે જેતપુરના ACPએ વધુ તપાસ હાથ ધરી છે.

 48 ,  1