Video : જ્યારે સાથી શહિદ મિત્રના બહેનના લગ્નમાં પહોંચ્યા વીર જવાનો, અને…

ભલે તારો ભાઇ નથી, પણ અમે બધા તારા ભાઇઓ જ છીએ..કહીને આપી કન્યા વિદાય

શહીદ વીર જવાનની બહેનના લગ્નમાં સાથી જવાનોએ ભાઇ તરીકેની ફરજ બજાવી અશ્રુભીની વિદાય આપતા માહોલ ગમગીન બન્યો હતો. બહેનના લગ્નમાં શહીદ ભાઇની સહેજ પણ કમી મહેસૂસ ન થવા દીધી સાથી ભાઇઓએ…એક ભાઇની જગ્યાએ અનેક ભાઇઓ રહ્યા હતા હાજર.

કાશ્મીરના ખુબ જ સંવેદનશીલ અને આતંકગ્રસ્ત પુલવામા જિલ્લાના લેથપુરા સ્થિત 110 બટાલિયન સીઆરપીએફમાં તૈનાતી દરમિયાન સિપાઈ શૈલેન્દ્ર પ્રતાપ સિંહે આતંકવાદીઓ વિરુદ્ધ કમાન સંભાળતા 5 ઓક્ટોબર 2020ના રોજ દેશ માટે પોતાનું સર્વોચ્ચ બલિદાન આપ્યું હતું. જવાન શૈલેન્દ્ર તો  બલિદાન આપીને અમર થઈ ગયા પરંતુ તેમની ફોર્સના અન્ય સાથીઓએ હાલમાં જ પોતાની એક મોટી જવાબદારી ખુબ સારી રીતે નિભાવીને ઉત્કૃષ્ટ મિસાલ કાયમ કરી. 

હકીકતમાં રાયબરેલીના અમર સપૂત શહીદ શૈલેન્દ્ર પ્રતાપ સિંહની બહેન જ્યોતિના લગ્નનો કાર્યક્રમ 13 ડિસેમ્બર 2021ના રોજ રાયબરેલી સ્થિત તેમના ઘરે સંપન્ન થયો. લગ્ન સમારોહમાં ઉપસ્થિત તમામ માટે એક ક્ષણ એવી ભાવુક કરનારી સાબિત થઈ કે જ્યારે શહીદની બહેનના લગ્નમાં CRPF ના જવાનો અને અધિકારીઓએ પહોંચીને રસ્મોમાં હાજર રહી જવાબદારી નિભાવી. તમામએ સગા ભાઈની જેમ બહેનને પોતાના આશીર્વાદ આપ્યા. 

CRPF ના જવાનોએ બહેનને ઉપહાર આપ્યા અને ફૂલોની ચાદર લઈને બહેનને સ્ટેજ સુધી લઈ ગયા અને તેમણે જ બહેન જ્યોતિને વિદાય આપી.

CRPF ના આ જવાનોએ પોતાના સ્તર પર એક સારી પહેલ કરીને ભાઈની ભૂમિકા ભજવી. તમામની આંખોમાં ખુશી અને દુ:ખના આંસુ છલકાયા હતા. દુ:ખ એટલા માટે કારણ કે તમામને શહીદ શૈલેન્દ્રની કમી મહેસૂસ થતી હતી અને ખુશી એટલા માટે કારણ કે સીઆરપીએફના આ જવાનો દ્વારા  ભાઈની ભૂમિકા અદા કરતા શહીદ શૈલેન્દ્રની કમીને પૂરી કરવાનો પ્રયત્ન કરાયો. શહીદ શૈલેન્દ્રના પિતાએ કહ્યું કે ભલે મારો પુત્ર હવે આ દુનિયામાં નથી પરંતુ મને સીઆરપીએફના આ સૈનિકોના રૂપમાં નવા પુત્રો મળી ગયા છે જે દરેક સુખ દુ:ખમાં હંમેશા અમારી પડખે ઊભા રહે છે. 

 21 ,  1 

Net Dakiya News © 2019, All Rights Reserved

ગુજરાતી