‘છપાક’નો ફર્સ્ટ લૂક જાહેર, દીપિકાને જોતાં થઇ જશો અવાચક

એસિડ અટેક સર્વાઇવર લક્ષ્મી અગ્રવાલનાં જીવન પરથી બની રહેલી ફિલ્મ ‘છપાક’નો ફર્સ્ટ લૂક જાહેર થઇ ગયો છે. આ લૂકમાં દીપિકા પાદુકોણ એસિડ અટેક સર્વાઇવરનાં રૂપમાં નજર આવી રહી છે. ફિલ્મનું પહેલું પોસ્ટર જોશો તો ખરેખરમાં તમને એક પળ માટે વિશ્વાસ નહીં આવે કે આ દીપિકા પાદુકોણ જ છે. આ ફિલ્મમાં દીપિકાનાં પાત્રનું નામ માલતી છે. છપાક ફિલ્મમાં દીપિકા પોતાની કેરિયરનો સૌથી કસોટી સમાન રોલ નિભાવશે.


ફિલ્મ ‘છપાક’ એસિડ એટેક સર્વાઇવર લક્ષ્મી અગ્રવાલનાં જીવન પર આધારિત છે. લક્ષ્મી પર 2005માં એક શખ્સે તેઝાબ ફેંક્યો હતો. લક્ષ્મી પર આ હુમલો એટલે થયો કેમકે લક્ષ્મીએ એ શખ્સને લગ્ન કરવાની ચોખ્ખી ના પાડી હતી. તેઝાબ ફેકતા લક્ષ્મીનો ચહેરો ખુબજ વિકૃત થઈ ગયો. હુમલો થયા બાદ જાણે કે લક્ષ્મીનું જીવન બદલાઈ ગયુ પણ લક્ષ્મીએ હાર ન માની. કાયદાકીય લડાઈ લડી. લક્ષ્મીના કારણે જ સ્થાનીક દુકાનોમાં તેમજ કેમિકલના વેચાણ પર ભારતમાં કડક કાયદો બન્યો.


દીપિકાની આ ફિલ્મમાં એક્ટર વિક્રાંત મૈસી મહત્વનો રોલ કરશે. આ ફિલ્મમાં દીપિકા પાદુકોણ પ્રોડ્યુસરની જવાબદારી પણ સંભાળી રહી છે. છેલ્લાં કેટલાક સમયથી ફિલ્મની પુરી ટીમ સ્ક્રિપ્ટ રીડિંગ સેશન પર કામ કરી રહી છે. 2018માં લગ્ન પછી દીપિકાનો આ પહેલો પ્રોજેક્ટ છે. પદ્માવત બાદ આ દીપિકાની એવી ફિલ્મ છે જેની પ્રશંસકોને ભારે આતુરતા છે. પદ્માવત ફિલ્મે બોક્સ ઓફિસ પર ધુમ કમાણી કરી હતી આ ફિલ્મ સુપરહિટ રહી હતી.

 22 ,  3 

રસપ્રદ

રાજકારણ

વ્યાપાર