140 મુસાફરોને દીવાળી ટાણે અધવચ્ચે મૂકીને ડ્રાઈવર-કંડક્ટર છૂમંતર…

મુસાફરો પાસે રોકડા પૈસા ઉઘરાવીને ભાગી ગયા, રઝળી પડ્યા

દીવાળીના તહેવારને હાલ ગણતરીના કલાકો બાકી છે જેના પગલે ગુજરાતમાં રહેતા પરપ્રાંતિયો શ્રમજીવીઓ પોતાના વતન તરફ દોટી મૂકી છે. ત્યારે સુરતથી શ્રમજીવીઓને ભરીને રાજસ્થાન જતી ખાનગી લકઝરીના બસના ડ્રાઈવ અને કંડક્ટર ભરૂચ નજીક બસ મૂકીને ફરાર થઈ જતાં 140 મુસાફરો રઝળી પડ્યા હતા. પ્રાપ્ત માહિતી અનુસાર ભરૂચ તાલુકાના નબીપુર ગામ નજીક નેશનલ હાઈવે-48 પર રાતે સુરતની રાજસ્થાન જતી ખાનગી લકઝરી બસ મૂકીને ફરાર થઈ ગયા હતા. જેથી વતન જઈ રહેલા બાળકો અને મહિલાઓ સહિત 140 મુસાફરો અટવાઈ ગયા હતા.

મુસાફરોના જણાવ્યા અનુસાર સુરતથી પેસેન્જરો ભરીને સાંજે 7 વાગ્યે નીકળેલી રઘુનાથ લકઝરી બસ (નંબર RJ-06-PA-4111) નબીપુર નજીક આવેલી હોટલ ઉપર ઉભી રાખી હતી. જ્યાં ડ્રાઈવરો નશો કરીને સૂઈ ગયો હતો. બાદમાં 140 જેટલા મુસાફરોને સહિત બસ મૂકીને કંડક્ટર અને તેના સાથી ફરાર તઈ ગયા હતા. ઘટનાના 24 કલાક બાદ પોલીસે મુસાફરોને નાણાં પરત અપાવી બીજી બસની સગવડી કરી હતી.

મીડિયા રિપોર્ટ મુજબ સાયણથી વતન જતાં એક મુસાફરે જણાવ્યું કે, તેણે ટિકિટના 36000 કંટક્ટરને આપ્યા હતા. જો કે, કંટક્ટરે તેમને એવું કહ્યું હતું કે, ટિકિટ પછીથી મળશે. બીજા એક મુસાફરના જણાવ્યા અનુસાર તે કિમથી બસમાં બેઠો હતો અને તેણે 1500 રૂપિયા આપ્યા હતા. જ્યારે ગોરખપુર જઈ રહેલા એક મુસાફરે જણાવ્યું કે તેણે 2500 રૂપિયા આપ્યા હતા. દરમિયાન ભરૂચ નજીક બસ છોડીને ભાગી જતાં મહિલાઓ અને બાળકો સહિતના મુસાફરો રઝળી પડ્યા હતા.

આમ, તોતિંગ બસ ભાડું લઈ રઝળતા મુકી દેવાયેલા 140 મુસાફરોની હાલત કફોડી બની હતી. મુસાફરોના જણાવ્યા અનુસાર ડ્રાઈવર-કંડક્ટર બસ મૂકીને ફરાર થઈ જતાં મુશ્કેલી મુકાયેલા મુસાફરોએ આખરે સ્થાનિક પોલીસની મદદ માગી હતી. બીજી તરફ હોટલ પર છોડી દેવાયેલી બસમાં નાના-મોટા મળી કુલ 140 મુસાફરો છે ત્યારે બસની ક્ષમતા કરતા પણ બમણા મુસાફરો ભરીને બસ સુરતથી નીકળી હતી, જેથી આરટીઓના નિયમોનો પણ ભંગ થયો હતો.

 15 ,  1 

Net Dakiya News © 2019, All Rights Reserved

ગુજરાતી