ભારતીય શૂટર ઇશા સિંહે રચ્યો ઇતિહાસ, એર પિસ્તોલમાં ગોલ્ડ જીત્યો

13 વર્ષની ભારતીય શૂટર ઇશા સિંહે એશિયાઈ એરગન ચેમ્પિયનશિપમાં 10 મીટર એર પિસ્તોલમાં વુમન જુનિયર વર્ગમાં ગોલ્ડ મેડલ જીત્યો છે. તેને ફાઈનલમાં 240.1નો સ્કોર કર્યો. કોરિયાની યુન સિયોનજિઓંગ સિલ્વર મેડલ મેળવવામાં સફળ રહી. યુને 235 પોઈન્ટ મેળવ્યા. સ્થાનિક ખેલાડી ચેન યૂજૂ 214.8ના સ્કોરની સાથે કાંસ્ય પદક જીતવામાં સફળ રહી.

આ વર્ગમાં એક અન્ય ભારતીય શૂટર દેવાંશી ધમા 110.7નો સ્કોર જ કરી શકી. તે સૌથી છેલ્લે 8માં નંબરે રહી. તેને પહેલા સ્ટેજના પહેલા રાઉન્ડમાં 44.9 અને બીજામાં 92.2નો સ્કોર કર્યો પરંતુ બીજા સ્ટેજમાં તે પહોંચી ન શકી. ઇશા ક્વોલિફિકેશનમાં 576નો સ્કોર કરીને પહેલાં સ્થાને રહી હતી. તેને 6 રાઉન્ડમાં ક્રમશઃ 96, 96,96, 95, 96 અને 97નો સ્કોર કર્યો હતો.

કોરિયાની જો ગેયુન 568ના સ્કોરની સાથે બીજા અને યુન સિયોનજિઓંગ 565ના સ્કોરની સાથે ત્રીજા સ્થાને પર રહી હતી.

 28 ,  3