અમેરિકામાં સુરતના દંપતી પર ફાયરિંગ મામલો : પત્નીનું મોત, પતિની હાલત ગંભીર

ગોળી વાગી છતાં પત્નીએ અંતિમ પળોમાં પતિને બચાવ્યો હતો

અમેરિકામાં હોટલ ઉધોગ સાથે જોડાયેલા અને મૂળ સુરતના ભરથાણાના પટેલ દંપતિ પર એક અઠવાડિયા પહેલાં વિદેશ નાગરિકે ફાયરિંગ કર્યું હતું. આ હુમલામાં પત્નીનું મોત થયું છે. પેટમાં ગોળી વાગ્યા બાદ પણ પતિને બચાવવા માટે ખેંચીને રસોડામાં ગઇ હતી. તેમ છતાં હત્યાઓએ પતિના રૂમમાં ગોળી મારી હતી, જે આરપાર થઇ ગઇ હતી. પત્ની જમીન પર ઢળી પડતાં ગોળી વાગી હોવાની ખબર પડી છે. દિલીપભાઇના ભરથાણાના મિત્ર મોહનભાઇ છીમકાભાઇ જે હાલ અમેરિકામાં છે તેમણે 5 માર્ચ શુક્રવારની રાતે હત્યારા હકીમ ઇવાન પોતાના મિત્રોને લઇને મોટલના રૂમમાં રોકાયા હતા. 

કોરોના મહામારીના કારણે અમેરિકામાં એક રૂમમાં એક જ વ્યક્તિને રહેવાની છૂટ છે. હકીમ ઇવાન પોતાના બંને મિત્રો સાથે રહેવાની જીદ કરી રહ્યો હતો. દિલીપભાઇની પત્ની ઉષાબેનએ ઇન્ટરકોમ પર વાત કરીને રિસેપ્શન પર બોલાવ્યા તો હકીમ ઇવાન ઝઘડો કરવાનું શરૂ કર્યું. એક હત્યારાએ રિવોલ્વર વડે ઉષાબેનના પેટમાં ગોળી મારી હતી. ગોળી વાગ્યા બાદ ઉષાબેન પતિને ખેંચીને કિચન તરફ લઇ ગઇ. 

ફાયરિંગની ઘટનાની જાણ થતાં સુરતમાં રહેતા પરિવારજનો અને સંબંધીઓમાં શોકનો માહોલ જોવા મળી રહ્યો છે. મીડિયા રિપોર્ટ મુજબ અમેરિકામાં રહેતા તેમના સંબંધી દ્વારા આ જાણકારી મળી છે. ઉલ્લેખનીય છે કે, અમેરિકામાં વસતા ગુજરાતીઓ પર છેલ્લા કેટલાય સમયથી ગોળીબારીની ઘટનાઓ સામે આવી છે. 

 79 ,  1