સુશિક્ષિત દીકરી કહ્યું, હું કાંઈ દાન કરવાની વસ્તુ નથી, નો કન્યાદાન

કન્યાદાનની પ્રથા સામે IAS યુવતીએ કર્યો સવાલ

લગ્નમાં પિતા દીકરીનું કન્યાદાન કરતાં હોય છે, અને પ્રથા વર્ષોથી ચાલતી આવી છે. પણ મધ્યપ્રદેશની એક આઈએએસ મહિલા ઓફિસરે પિતાને કન્યાદાન કરવાની સ્પષ્ટ ના પાડી દીધી હતી. આઈએએસ દીકરીએ પિતાને કહ્યું કે, હું કોઈ દાન કરવાની વસ્તું નથી, તમારી દીકરી છું. તપસ્યાના પિતા એક ખેડૂત છે. ટ્રેનિંગ દરમિયાન તપસ્યાની મુલાકાત આઈએફએસ ઓફિસર ગર્વિત ગંગવાર સાથે થઈ હતી અને બાદમાં બંનેએ લગ્ન કરવાનું નક્કી કર્યું હતું.

આઈએએસ ઓફિસર તપસ્યા પરિહારે યુપીએસસી પરીક્ષામાં 23મો રેન્ક હાંસલ કર્યો હતો. અને તેઓના લગ્ન આઈએફએસ ઓફિસર ગર્વિત ગંગવાર સાથે થયા હતા. તપસ્યા મધ્ય પ્રદેશના નરસિંહપુર જિલ્લાના જોવા ગામની રહેવાસી છે. તપસ્યાએ જુલાઈ મહિનામાં ગર્વિત સાથે કોર્ટ મેરેજ કરી લીધા હતા. પણ હાલમાં તેઓએ પોતાના ગામ જોવામાં પારંપરિક વિધિથી લગ્નનું આયોજન કર્યું હતું.

તપસ્યા પરિહાર એમપી કેડરની આઈએએસ અધિકારી છે, જ્યારે ગર્વિત તમિલનાડુ કેડરના આઈએફએસ અધિકારી છે. મસૂરીમાં ટ્રેનિંગ દરમિયાન બંને વચ્ચે મુલાકાત થઈ હતી. પણ અલગ-અલગ જગ્યાઓ પર પોસ્ટિંગને કારણે લગ્નમાં મુશ્કેલી આવી રહી હતી. જે બાદ લગ્નના આધાર પર ગર્વિતે કેડર ટ્રાન્સફર થયું હતું. જે બાદ જુલાઈ મહિનામાં બંનેએ કોર્ટ મેરેજ કર્યાં હતા અને નવેમ્બર મહિનામાં ગર્વિતનું કેડર ટ્રાન્સફર થયું હતું.

પાંચ દિવસ અગાઉ તપસ્યાએ પારંપરિક વિધિથી લગ્નનું આયોજન કર્યું હતું. જેમાં બંને સમાજના લોકો ઉપસ્થિત રહ્યા હતા. લગ્ન સમારોહ દરમિયાન કન્યાદાનની તૈયારી ચાલી રહી હતી, ત્યારે તપસ્યાએ કન્યાદાન માટે સ્પષ્ટ ના પાડી દીધી હતી. તેણે કહ્યું કે, હું દાન કરવાની વસ્તુ નથી, તમારી દીકરી છું અને હંમેશા રહીશ. લગ્ન બાદ બે પરિવાર એક થઈ રહ્યા છે, અને તેવામાં દાન જેવી કોઈ વસ્તુ નથી. મને શરૂઆતથી આ પ્રકારની વસ્તુઓ પસંદ નથી.

તપસ્યાના પિતા વિશ્વાસ પરિહાર ખેડૂત છે. દીકરીને આઈએએસ ઓફિસર બનાવવા માટે તેઓએ તેને દિલ્હી મોકલી હતી. અઢી વર્ષ સુધી તેણે દિલ્હીમાં ટ્રેનિંગ લીધી હતી. તપસ્યા બીજા પ્રયાસમાં 2018માં આઈએએસ ઓફિસર બની હતી. નરસિંહપુરની કેન્દ્રીય વિદ્યાલયમાંથી તેણે સ્કૂલનો અભ્યાસ કર્યો હતો અને બાદમાં પુણે સ્થિત ઈન્ડિયન લૉ સોસાયટીઝ કોલેજમાંથી કાયદાનો અભ્યાસ કર્યો હતો.

 64 ,  1 

Net Dakiya News © 2019, All Rights Reserved

ગુજરાતી