ભારત અને ઓસ્ટ્રેલિયા વર્લ્ડ કપમાં 11 વખત ટકરાયા છે. જેમાં 3 વખત ભારતનો વિજય થયો છે, જ્યારે 8 મેચમાં ઓસ્ટ્રેલિયાનો વિજય થયો છે. ઓવરઓલ વન-ડેની વાત કરવામાં આવે તો અત્યાર સુધી બંને વચ્ચે 136 વન-ડે રમાઈ છે. જેમાં ઓસ્ટ્રેલિયાનો 77 મેચમાં વિજય થયો છે. ટીમ ઇન્ડિયાએ ફક્ત 49 મેચમા જીત મેળવી છે.
ટોસ જીત્યા બાદ પ્રથમ બેટિંગ કરવા ઉતરેલી ભારતીય ટીમે 50 ઓવરમાં 5 વિકેટના નુકસાન પર 352 રન બનાવ્યા હતા. ભારત તરફથી ઓપનર શિખર ધવન (117 રન) અને રોહિત શર્મા(57 રન)એ 127 રનની પાર્ટનરશિપ કરી શાનદાર શરૂઆત અપાવી હતી.
શિખર ધવને 109 બોલમાં 16 ફોર સાથે 117 રન બનાવ્યા હતા. વિરાટ કોહલીએ 77 બોલમાં 4 ફોર અને 2 સિક્સર સાથે 82 રન બનાવ્યા હતા. હાર્દિક પંડ્યાએ 27 બોલમાં આક્રમક 48 રન અને ધોનીએ 14 બોલમાં 27 રન બનાવ્યા હતા.
ઓસ્ટ્રેલિયા તરફથી સ્ટોઈનિસે સૌથી વધારે 2 વિકેટ ઝડપી હતી. કુમિન્સ, સ્ટાર્ક અને કુલ્ટર નાઇલે 1-1 વિકેટ ઝડપી હતી.
13 , 1
