ચાલો કેવડિયા…ફરીથી સ્ટેચ્યુ ઓફ યુનિટી ધમધમશે..

કેવડિયા ખાતે સ્ટેચ્યૂ ઓફ યુનિટી પણ પ્રવાસીઓ માટે શરૂ થઈ

ગુજરાતમાં ઘણા સમયથી કોરોનાએ હાહાકાર મચાવ્યો છે .લોકડાઉનના સળંગ બે તબક્કાઓ પસાર થઇ ચુક્યા છે .બંને તબક્કાઓનો સામનો કરવામાં ગુજરાત સફળ રહ્યું છે .હવે જયારે કોરોના થોડો ઓછો થયો છે એવામાં ધીમે-ધીમે જનજીવન સામાન્ય થતું જોવા મળી રહ્યું છે .સરકારે પણ હવે લોકડાઉનમાં રાહત આપી છે .ત્યારે હવે પ્રવાસન ઉદ્યોગને પણ ધીરે ધીરે ચાલુ કરવામાં આવશે .

ગુજરાતમાં કોરોનાના કેસમાં ઘટાડો થતા સરકાર દ્વારા મોટાભાગના વેપાર-ધંધા તેમજ સરકારી કચેરીઓ-નીચલી અદાલતોમાં શરૂ કરવામાં આવી છે. સાથે જ ઓનલાઈન શિક્ષણ પણ શરૂ કરી દેવાયું છે.

જયારે મળતી માહિતી મુજબ ,કેવડિયા ખાતે સ્ટેચ્યૂ ઓફ યુનિટી પણ પ્રવાસીઓ માટે શરૂ થઈ ત્યારે લોકોમાં એવી ચર્ચાઓ ચાલી રહી છે કે, ગુજરાતમાંથી વડોદરા, અમદાવાદ, સુરત, રાજકોટમાંથી અનેક પ્રવાસીઓ સ્ટેચ્યૂ ઓફ યુનિટીની મુલાકાત વધારે લે છે. તો જો આ પ્રવાસીઓમાંથી કોઈ કોરોના સંક્રમિત હોય અને જિલ્લામાં સંક્રમણ વધુ ફેલાય તો કોણ જવાબદાર રહેશે? સાથે જ એક તરફ કોરોના સંક્રમણને લીધે રાજ્યના તમામ ધાર્મિક સ્થળો, પ્રવાસન સ્થળો બંધ છે તો સ્ટેચ્યૂ ઓફ યુનિટી કેમ ખોલવામાં આવે છે?

આ અને આવી અનેક સમસ્યાઓ ચાલી રહી હોવા છતાં જીવનને આગળ ધપાવવા માટે આપણે બધું રાબેતા અનુસાર ચલાવવું જ પડશે .તેથી યોગ્ય સાવધાનીઓ સાથે આપણે બધી સુવિધાઓનો લાભ લેતા લેતા નિયમોનું પાલન કરવું જોઈએ .

 52 ,  1