નવસારી : ફીટ ઇન્ડિયા મૂવમેન્ટ કાર્યક્રમ, બોડી ફીટ તો માઈન્ડ હીટ…

વડાપ્રધાન નરેન્દ્ર મોદી દ્વારા આંતરરાષ્ટ્રીય યોગા દિવસ બાદ હવે આજે દિલ્હી ખાતેથી ‘ફિટ ઇન્ડિયા’ અભિયાનનો પ્રારંભ થયો છે.આ કાર્યક્રમનું આયોજન ગાંધી સ્ટેડિયમ ખાતે કરવામાં આવ્યું છે. આ અભિયાન લોકોને ફીટ રાખવાનો અને જાગ્રત કરવાનો છે. નરેન્દ્ર માદીએ કહ્યું કે આજના જ દિવસે આપણને મેજર ધ્યાનચંદના રૂપમાં હોકીના જાદુગર મળ્યા હતા. ફીટ ઈન્ડિયા મૂવમેન્ટ હેલ્ધી ઈન્ડિયાની દિશામાં એક મહત્વપૂર્ણ પગલું છે.જેના ભાગરૂપે નવસારી જિલ્લાની દરેક શાળાઓમાં પણ આ કાર્યક્રમ યોજાયો હતો.

આ કાર્યક્રમ નવનિર્માણ સ્કુલ અને ભુલકાભવન સ્કૂલમાં આજરોજ શાળાનાં વિદ્યાર્થીઓ દ્વારા લોકોમાં જાગૃતિ લાવવા માટે મરોલી વિસ્તારમાં વિદ્યાર્થીઓ દ્વારા પ્રતિજ્ઞા લઈ સાઈકલ રેલીનું આયોજન કરાયું હતું.સાથે જ બોડી ફીટ તો માઈન્ડ હીટના સૂત્ર સાથે લોકોમાં જાગૃતિ આવે એ હેતુથી આ રેલી સમગ્ર વિસ્તારમાં ફરી હતી. આ સંદેશો શાળાના વિદ્યાર્થી તેમજ શાળા પરિવાર તરફથી લોકો સુધી પહોંચાડવાના હેતુથી આ કાર્યક્રમોનું આયોજન કરવામાં આવ્યું હતું.

ફિટ ઈન્ડિયાના આ કેમ્પેનમાં બિઝનસ, ફિલ્મ અને સ્પોર્ટ્સ સહિત અનેક સેલેબ્સ સામેલ થશે. મોદીએ તાજેતરમાં જ ‘મન કી બાત’માં આ અભિયાનનો ઉલ્લેખ કર્યો હતો.

(પ્રતિનિધિ – ઈરફાન સૈયદ નવસારી)

 37 ,  1 

Net Dakiya News © 2019, All Rights Reserved

ગુજરાતી