September 20, 2021
September 20, 2021

NCBએ વધુ એક અભિનેતાની કરી ધરપકડ

ઘરમાંથી જપ્ત કરવામાં આવ્યા નશીલા પદાર્થ

બોલિવૂડ અભિનેતા સુશાંત સિંહ રાજપૂતના મૃત્યુ પછી નારકોટિક્સ કંટ્રોલ બ્યૂરો(NCB)એ તપાસ પોતાના હાથમાં લીધી ત્યારથી ડ્ર્ગ્સ કેસમાં અત્યાર સુધી અનેક એક્ટર્સ એજન્સીની ચપેટમાં આવી ચૂક્યા છે. અનેક ફિલ્મ અને ટીવી એક્ટર્સની આ કેસમાં ધરપકડ કરવામાં આવી છે. હવે એનસીબીએ ટીવી એક્ટર ગૌરવ દીક્ષિતની ધરપકડ કરી છે. ગૌરવ પાસેથી કથિત ધોરણે એમડી અને ચરસ જેવા નશીલા પદાર્થ જપ્ત કરવામાં આવ્યા હતા.

એક રિપોર્ટ અનુસાર, એનસીબીએ ટીવી એક્ટર ગૌરવ દીક્ષિતના ઘરે દરોડા પાડ્યા હતા. આ દરમિયાન તેમને એમડી અને ચરસ મળી આવ્યા હતા. ત્યારપછી એજાઝ ખાનની પૂછપરછના આધારે તેની ધરપકડ કરવામાં આવી છે. એનસીબીના અધિકારીઓના જણાવ્યા અનુસાર, ટુંક સમયમાં ગૌરવને કોર્ટમાં હાજર કરવામાં આવશે અને પૂછપરછ માટે રિમાન્ડની માંગ કરવામાં આવશે.

ઉલ્લેખનીય છે કે એપ્રિલ મહિનામાં એનસીબી દ્વારા ગૌરવ દીક્ષિતના લોખંડવાલા વિસ્તારમાં સ્થિત ઘરમાં દરોડા પાડવામાં આવ્યા હતા અને તે સમયે ઘરમાંથી મોટા પ્રમાણમાં પ્રતિબંધિત ડ્ર્ગ્સ જપ્ત કરવામાં આવ્યા હતા. ગૌરવની મિત્રએ એજન્સીના અધિકારીઓને જોઈ લીધા હતા અને પછી બન્ને ફરાર થઈ ગયા હતા. એજન્સી ત્યારથી ગૌરવની શોધમાં હતી.

ગૌરવ દીક્ષિત માત્ર ટીવી એક્ટર નથી તેણે અનેક ફિલ્મોમાં પણ કામ કર્યું છે. હૈપ્પી ભાગ જાયેગી, હૈપ્પી ફિર ભાગ જાયેગી, દહત- આ રેસ્ટલેસ માઈન્ડ, ધ મેજિક ઓફ સિનેમા, ગંગા પાર સૈયા હમાર જેવી ફિલ્મોમાં ગૌરવે કામ કર્યું છે. આ સિવાય તેણે પોપ્યુલર ટીવી શૉ સીતા અને ગીતામાં કામ કર્યું છે. તેણે અનેક કમર્શિયલમાં પણ કામ કર્યું છે.

ગૌરવ મૂળ ભોપાલનો નિવાસી છે અને તેણે પાવર ઈલેક્ટ્રિકલમાં એન્જિનિયરિંગનો અભ્યાસ કર્યો છે. ત્યારપછી તેણે મોડલિંગની શરુઆત કરી હતી અને અભિનેતા બની ગયો. તેણે ફિલ્મોમાં કામ મેળવવા માટે ઘણો સંઘર્ષ કર્યો. શરુઆતમાં જ્યારે કામ નહોતુ મળતું તો 2-3 વાર તે ઘરે પાછો ફરી ગયો હતો. પરંતુ તેને પરિવારનો ઘણો સપોર્ટ મળ્યો. પરિવારના કહેવા પર તે મુંબઈ પાછો આવી ગયો અને કામ કરવાની શરુઆત કરી.

 25 ,  1