CDS બિપિન રાવતની શહીદી પર ચીને બેશર્મીની કરી હદ પાર..

ચીને ભારતીય સેનાને જવાબદાર ગણાવી

CDS જનરલ બિપિન રાવતના નિધન પર ચીનના સરકારી મીડિયા ગ્લોબલ ટાઈમ્સે શરમજનક ટિપ્પણી કરી છે. ગ્લોબલ ટાઈમ્સે સીડીએસ જનરલ રાવતે હેલિકોપ્ટરના ક્રેશ થવાની ઘટનાને ભારતીય સેનાની ખામી જણાવી છે. એટલું જ નહીં, ચીનની કોમ્યુનિસ્ટ પાર્ટીના આ સરકારી ન્યૂઝ પેપરે જનરલ રાવતને ચીન વિરોધી જણાવ્યા છે. ગ્લોબલ ટાઈમ્સે કહ્યું કે, તેમના નિધનથી ભારતીય સેનાના આધુનિકરણને મોટો ઝટકો લાગ્યો છે.

ગ્લોબલ ટાઈમ્સે ઝેર ઓકતા લખ્યું કે, બુધવારે એક હેલિકોપ્ટર અકસ્માતના સંરક્ષણ પ્રમુખના મોતે ભારતીય સેનાના અનુશાસન અને યુદ્ધની તૈયારીઓની ખામીને ઉજાગર કરવા ઉપરાંત દેશના સૈન્ય આધુનિકરણને પણ મોટો ઝટકો આપ્યો. ન્યૂઝપેપરે એનાલિસ્ટ્સને ટાંકીને લખ્યું છે કે, ચીન વિરોધી ટોચના સંરક્ષણ અધિકારીના જવા છતાં બંને દેશોના સરહદી વિસ્તારોમાં ચીન પ્રત્યે ભારતના આક્રમક વલણમાં ફેરફાર થવાની શક્યતા નથી.

ગ્લોબલ ટાઈમ્સે એનાલિસ્ટ્સને ટાંકીને દાવો કર્યો કે, અકસ્માતના બધા સંભવિત કારણો રશિયન મૂળના હેલિકોપ્ટરને બદલે માનવીય કારણો તરફ ઈશારો કરે છે. ન્યૂઝ પેપરે દલીલ કરી કે, એમઆઈ-7 સીરિઝના હેલિકોપ્ટરનો વ્યાપક રીતે અન્ય દેશો દ્વારા ઉપયોગ કરવામાં આવે છે. બેઈજિંગ સ્થિત આર્મી વિશેષજ્ઞ વેઈ ડોંગક્સૂએ ગુરુવારે ગ્લોબલ ટાઈમ્સને જણાવ્યું કે, એમઆઈ-17વી5, એમઆઈ-17નું એક અપગ્રેડેડ વર્ઝન છે. તે વધુ શક્તિશાળી એન્જિન અને અપગ્રેડેડ ઈલેક્ટ્રોનિક ઉપકરણોથી સજ્જ છે, જે તેને વધુ વિશ્વાસપાત્ર બનાવે છે.

ડોંગક્સૂએ એમ પણ કહ્યું કે, જોકે, ભારતીય સેના ઘણા પ્રકારના હેલિકોપ્ટરોનો ઉપયોગ કરે છે, જેમાં સ્થાનિક રીતે વિકસિત હેલિકોપ્ટર, બીજા દેશોથી ટ્રાન્સફર ઓફ ટેકનોલોજીથી ભારતમાં બનાવાયેલા હેલિકોપ્ટર, અમેરિકા અને રશિયા પાસેથી ખરીદેલા હેલિકોપ્ટર સામેલ છે. એ કારણે હેલિકોપ્ટરમાં લોજિસ્ટિક સપોર્ટ અને મેન્ટેનન્સની સમસ્યા હશે.

ગ્લોબલ ટાઈમ્સે એક અજ્ઞાત સંરક્ષણ વિશેષજ્ઞને ટાંકતા ચીનની સેનાની ઢીલી અને અનુશાસન વિનાની સૈન્ય સંસ્કૃતિને ભારતના માથે ઢોળવાનો પ્રયાસ કર્યો. ગ્લોબલ ટાઈમ્સે દાવો કર્યો કે, ભારતીય સૈનિકો અવાર-નવાર સ્ટાન્ડર્ડ ઓપરેટિંગ પ્રોસિજર અને નિયમોનું પાલન નથી કરી રહ્યા. જ્યારે કે, હકીકત એ છે કે, ચીનના સૈનિકો જ નિયમોનું પાલન નથી કરતા.

 38 ,  1 

Net Dakiya News © 2019, All Rights Reserved

ગુજરાતી