પાકિસ્તાનના કરાચી શહેરમાં બ્લાસ્ટ, 3નાં મોત – અનેક ઘાયલ

 ગુલશન-એ-ઇકબાલમાં વિસ્તારમાં એક બે માળની ઇમારતમાં બ્લાસ્ટ, 15થી વધુ ઘાયલ

પાકિસ્તાનના કરાચીમાં બ્લાસ્ટની ઘટના સામે આવી છે. જેમાં 3 લોકોના મોત થયા છે, જ્યારે અન્ય કેટલાક લોકો ગંભીર રીતે ઘાયલ થયા છે. ગુલશન-એ-ઇકબાલ વિસ્તારમાં મસ્કન ચૌરંગીમાં એક બે માળની ઇમારતમાં વિસ્ફોટ થયો છે. ધમાકો એટલો ભયંકર હતો કે આજુબાજુની ઇમારતોની બારી પણ તૂટી ગઈ છે.

પાકિસ્તાની મીડિયા ડોનના કહેવા મુજબ આ બ્લાસ્ટમાં 3 લોકોનાં મોત નિપજ્યાં છે, જ્યારે 15 થી વધુ લોકો ઘાયલ થયા છે. જે બિલ્ડિંગમાં બ્લાસ્ટ થયો, ત્યાંથી પાકિસ્તાનના સૌથી મોટા સામાજિક સંગઠન ઈધી ફાઉન્ડેશનની ઓફિસ થોડા અંતરે જ આવેલી છે. જણાવી દઇએ, આ વિસ્તારમાં બે દિવસ પહેલા પણ એક બિલ્ડિંગમાં બ્લાસ્ટ થયો હતો.

બ્લાસ્ટ કઇ રીતે થયો અને તેની પાછળ કોન જવાબદાર છે તે દિશામાં તપાસ ચાલી રહી છે. તો બીજી તરફ સુરક્ષાકર્મીઓએ સમગ્ર વિસ્તારને ઘેરી સર્ચઓપરેશન હાથ ધરી રહ્યા છે.

 53 ,  1 

રસપ્રદ

રાજકારણ

વ્યાપાર