Budget Session LIVE : રાષ્ટ્રપતિના અભિભાષણ સાથે બજેટ સત્ર પ્રારંભ

સંસદના બજેટ સત્રની આજથી શરૂઆત થઈ રહી છે. રાષ્ટ્રપતિ રામનાથ કોવિંદના અભિભાષણથી બજેટ સત્ર શરૂ થશે. આ પહેલા વડાપ્રધાન નરેન્દ્ર મોદીએ સંસદ પરિસરમાં મીડિયાને સંબોધન કર્યું. વડાપ્રધાને કહ્યું આ દસકાનું પ્રથમ સત્ર આજથી શરૂ થઈ રહ્યું છે. ભારતના ઉજવળ ભવિષ્ય માટે આ દાયકો ખૂબ જ મહત્વપૂર્ણ છે. આ કારણે શરૂઆતથી જ આઝાદી અપાવનારાઓએ જે સપના જોયા હતા, તે સપનાને પુરા કરવા માટે રાષ્ટ્ર માટે એક સોનેરી પ્રસંગ છે.

રામનાથ કોવિંદે કહ્યું કે, મહામારીની વિરુદ્ધ આ લડાઈમાં આપણે દેશવાસીઓને ગુમાવ્યા. આપણા તમામના પ્રિય અને પૂર્વ રાષ્ટ્રપતિ પ્રણવ મુખર્જીનું નિધન પણ કોરોના કાળમાં થયું. સંસદના 6 સભ્ય પણ કોરોનાના કારણે આપણે ગુમાવ્યા. હું તમામના પ્રત્યે વિનર્મ શ્રદ્ધાંજલિ અપ્રિત કરું છું.

બીજી તરફ કોંગ્રેસ સહિત 19 વિપક્ષોએ કૃષિ કાયદાઓની વિરુદ્ધ આંદોલન કરી રહેલા ખેડૂતો પ્રત્યે સહાનુભુતિ વ્યક્ત કરતા રાષ્ટ્રપતિના અભિભાષણનો બહિષ્કાર કરવાનો નિર્ણય લીધો છે. ઉલ્લેખનીય છે કે રાષ્ટ્રપતિ રામનાથ કોવિંદના સંસદના બંને ગૃહોની સંયુક્ત બેઠકના સંબોધનની સાથે સત્રની શરૂઆત થશે.

કોરોના કાળમાં 80 કરોડ ગરીબોનો 8 મહિના વધુ અનાજ મળ્યુંઃ રાષ્ટ્રપતિ

રાષ્ટ્રપતિ રામનાથ કોવિંદે કહ્યું વડાપ્રધાન ગરીબ કલ્યાણ યોજનાના માધ્યમથી 8 મહિના સુધી 80 કરોડ લોકોને 5 કિલો પ્રતિ મહિને વધારાનું અનાજ વિના મુલ્યે આપવાનું સુનિશ્ચિત કરવામાં આવ્યું. સરકારે પ્રવાસી શ્રમિકો, કામદારો અને પોતાના ઘરેથી દૂર રહેનારાઓની પણ ચિંતા કરી.

બીજી તરફ કોંગ્રેસ સહિત 19 વિપક્ષોએ કૃષિ કાયદાઓની વિરુદ્ધ આંદોલન કરી રહેલા ખેડૂતો પ્રત્યે સહાનુભુતિ વ્યક્ત કરતા રાષ્ટ્રપતિના અભિભાષણનો બહિષ્કાર કરવાનો નિર્ણય લીધો છે. ઉલ્લેખનીય છે કે રાષ્ટ્રપતિ રામનાથ કોવિંદના સંસદના બંને ગૃહોની સંયુક્ત બેઠકના સંબોધનની સાથે સત્રની શરૂઆત થશે.

એક ફેબ્રુઆરીએ સંસદમાં નાણાંકીય વર્ષ 2021-22નું આમ બજેટ રજૂ કરવામાં આવશે. બે હિસ્સામાં ચાલનાર બજેટ સત્ર 8 એપ્રિલ સુધી ચાલશે. બજેટ સત્રનો પ્રથમ તબક્કો આજથી 15 ફેબ્રુઆરી સુધી ચાલશે. જ્યારે બીજો તબક્કો 8 માર્ચથી 8 એપ્રિલ સુધી ચાલશે.

 65 ,  1 

રસપ્રદ

રાજકારણ

વ્યાપાર