પોસ્ટર વોર : આતંકી કપડામાં જોવા મળ્યા અમેરિકાના રાષ્ટ્રપતિ

લખવામાં આવ્યું- ‘મેકિંગ તાલિબાન ગ્રેટ અગેન’

અફઘાનિસ્તાનમાંથી અમેરિકાની શરમજનક વાપસી બાદ રાષ્ટ્રપતિ જો બાઈડનની ભારે ટીકા થઈ છે. આ દરમિયાન તેમનું એક પોસ્ટર ખૂબ ચર્ચામાં આવ્યું છે. પોસ્ટરમાં રાષ્ટ્રપતિને તાલિબાન આતંકી કપડામાં બતાવવામાં આવ્યા છે. તેઓ મોટર્ડ પકડીને ઉભા છે. પોસ્ટરમાં ‘મેકિંગ તાલિબાન ગ્રેટ અગેન’ લખવામાં આવ્યું છે.

ઉલ્લેખનીય છે કે, પૂર્વ રાષ્ટ્રપતિ ડોનાલ્ડ ટ્રમ્પના ચૂંટણી પ્રચાર દરમિયાન ‘મેકિંગ અમેરિકા ગ્રેટ અગેન’ સૂત્ર ખૂબ જ લોકપ્રિય બન્યું હતું.

મીડિયા રિપોર્ટ્સ અનુસાર, પેન્સિલ્વેનિયાના પૂર્વ સીનેટર સ્કોટ વેગનરે રાષ્ટ્રપતિ જો બાઈડન સામે આ પોસ્ટરો લગાવ્યા છે. તેણે રાજમાર્ગો આશરે $ 15,000 ના ખર્ચે આવા પોસ્ટરો લગાવ્યા છે. ધ યોર્ક ડેઇલીને આપેલા ઇન્ટરવ્યૂમાં તેમણે કહ્યું કે જો બિડેનના ખોટા નિર્ણયને કારણે અમેરિકાને સમગ્ર વિશ્વ સામે શરમજનક સ્થિતિમાં મુકવું પડે છે. આ અકળામણ વિયેતનામ કરતા પણ ખરાબ છે. તેમણે કહ્યું કે તમે તે લોકોને શું જવાબ આપશો જેઓ અફઘાનિસ્તાનમાં લડ્યા હતા.

પૂર્વ સીનેટરે કહ્યું કે તે ટ્રમ્પના સમર્થક નથી. જો ટ્રમ્પે આવો નિર્ણય લીધો હોત તો પણ તેમણે આવું જ કર્યું હોત. તેમણે કહ્યું કે અમેરિકન સૈનિકો પાછા ફરવાના નિર્ણયને બિડેન પર મુલતવી રાખવા માટે દબાણ કરવામાં આવ્યું હતું, પરંતુ તેમણે સાંભળ્યું નહીં.

 19 ,  1 

Net Dakiya News © 2019, All Rights Reserved

ગુજરાતી