લોકસભાના બધા સદસ્યોએ સાંસદ પદની સપથ અને નવા લોકસભા અધ્યક્ષની પસંદગી બાદ ગુરુવારે સંસદના બંને સદાનોનું સંયુક્ત સત્ર બોલાવવામાં આવ્યું છે. આ સયુંકત સત્રને રાષ્ટ્રપતિ રામનાથ કોવિંદે સંબોધિત કર્યું છે.
રાષ્ટ્રપતિએ પોતાના અભિભાષણમાં નવી મોદીસરકારના આગળના પાંચ વર્ષના કામકાજની ઝલક બતાવી છે.
આવો જાણીએ તેમણે શું કહ્યું…
- મહાત્મા ગાંધીની જયંતીની 150મી જયંતી પછી 17મી લોકસભાના પહેલાં સત્રને સંબોધતા મને ખુશી થઈ રહી છે.
- દેશમાં દરેક બહેન-દીકરી માટે સમાન અધિકાર સુનિશ્ચિત કરાવાનો હેતુ ‘ટ્રિપલ તલાક’ અને ‘નિકાહ-હલાલા’ જેવી કુપ્રથાઓનું ઉન્મૂલન જરૂરી છે.
- મતદાન કરવા માટે લોકો ભીષણ ગરમીમાં પણ લાઈનોમાં ઉભા રહ્યા હતા.
- આ વખતે મહિલાઓની ભાગીદારી વધી છે અને લગભગ પુરુશ બરોબર રહી છે. તે માટે દરેક મતદાતા શુભેચ્છાના હકદાર છે.
- આઝાદીના 75માં વર્ષમાં ખેડૂતોની આવક બમણી થશે. દરેક ગરીબ પાસે વીજળી કનેક્શન હશે.
- ‘નેશનલ ડિફેન્સ ફંડ’માંથી વીર જવાનોના બાળકોને મળનાર સ્કોલરશિપની રકમ વધારી દીધી છે.
- જે ખેડૂત આપણા અન્નદાતા છે, તેમના સમ્માન-રકમની પહોંચ વધારતા, હવે ‘પ્રધાનમંત્રી કિસાન સમ્માન નિધિ’ને, દેશના દરેક ખેડૂત માટે ઉપલબ્ધ કરાવાનો નિર્ણય લીધો છે.
- નયા ભારત, ગુરૂદેવ રવીન્દ્રનાથ ટાગોરના આદર્શ ભારતના એ સ્વરૂપની તરફ આગળ વધશે જ્યાં લોકોનું ચિત્ત-ભયમુકત હોય અને આત્મ-સમ્માનથી તેમનું મસ્તક ઉંચું રહે.
- કાળા નાણાંની વિરૂદ્ધ શરૂ કરાયેલ મુહિમને વધુ તેજ ગતિથી આગળ વધારાશે.
- છેલ્લાં બે વર્ષમાં, 4 લાખ 25 હજાર નિર્દેશકોને અયોગ્ય ઘોષિત કરાયા છે અને 3 લાખ 50000 શંકાસ્પદ કંપનીઓના રજીસ્ટ્રેશન રદ્દ થઇ ચૂકયા છે.
- આ વર્ષે પ્રયાગરાજમાં અર્ધકુંભ દરમિયાન ગંગાની સ્વચ્છતા અને શ્રદ્ધાળુઓને મળેલી સુવિધાની ચર્ચા સમગ્ર વિશ્વમાં થઈ રહી છે.
- પ્રથમ વખત કોઈ સરકારો નાના દુકાનદાર ભાઈ-બહેનોની આર્થિક સુરક્ષા પર ધ્યાન આપ્યું છે.
- કેબિનેટની પ્રથમ બેઠકમાં જ નાના દુકાનદારો અને રીટેલ ટ્રેડર્સ માટે અલગ પેન્શન યોજનાને મંજૂરી આપવામાં આવી છે. આ યોજનાનો લાભ દેશના લગભગ 3 કરોડ નાના દુકાનદારોને મળશે.
- રાષ્ટ્રીય આજીવિકા મિશન અંતર્ગત ગામડાઓની 3 કરોડ મહિલાઓને અત્યાર સુધીમાં 2 લાખ કરોડ રૂપિયાથી વધારે ઋણ આપવામાં આવ્યું છે.
- ઉજ્જવલા યોજનાથી ધૂમાડાથી મુક્તિ, મિશન ઈન્દ્રધનુષના માધ્યમથી રસીકરણ, સૌભાગ્ય યોજનાથી ફ્રી વીજળી કનેક્શન આ તમામનો લાભ ગ્રામીણ મહિલાઓને મળ્યો છે.
- મહિલા સશક્તિકરણ મારી સરકારની સર્વોચ્ચ પ્રાથમિકતાઓ પૈકીની એક છે. નારી સબળ થવી તથા સમાજ અને અર્થતંત્રમાં તેમની પ્રભાવશાળી ભાગીદારી, એક વિકસિત સમાજની કસોટી છે.
22 , 1
