રાજકોટમાં લાઈટ હાઉસ પ્રોજેક્ટનું વડાપ્રધાન નરેન્દ્ર મોદીના હસ્તે ખાત મૂહુર્ત

નવા વર્ષની ભેટ: PM મોદીએ રાજકોટ સહિત 6 શહેરોને લાઈટ હાઉસ પ્રોજેક્ટની ગિફ્ટ

રાજકોટ એઇમ્સ બાદ લાઇટ હાઉસ પ્રોજેકટનું પણ ખાત મુહૂર્ત પ્રધાનમંત્રી નરેન્દ્ર મોદીના હસ્તે કરવામાં આવ્યું હતું. રાજકોટ મહાનગરપાલિકા દ્વારા રૈયા સ્માર્ટ સિટી એરિયા ખાતે રૂપિયા ૧૧૮ કરોડના ખર્ચે નિર્માણ પામનાર “લાઈટ હાઉસ” પ્રોજેક્ટ આવાસ યોજનાનું ઈ-ખાતમુહૂર્ત પ્રધાનમંત્રી નરેન્દ્ર મોદીના હસ્તે કરવામાં આવ્યું હતું.જેમાં રાજ્યના મુખ્યમંત્રી વિજય રૂપાણી અને મંત્રી યોગેશ પટેલ ઉપસ્થિત રહ્યા હતા.

પ્રધાનમંત્રી નરેન્દ્ર મોદી દ્વારા વર્ષ ૨૦૨૨ સુધીમાં સૌને ઘરનું ઘર મળી રહે તે માટે વર્ષ ૨૦૧૫ માં પ્રધાનમંત્રી આવાસ યોજના જાહેર કરવામાં આવી હતી. સરકાર દ્વારા પ્રધાનમંત્રી આવાસ યોજના અંતર્ગત વિવિધ ઘટકો અંતર્ગત લાભાર્થી આવાસ મેળવી શકે છે. વર્ષ ૨૦૨૨ સુધીમાં સૌને ઘરનું ઘર મળી રહે તે માટે ઝડપથી આવાસો બનાવવા જરૂરી છે. જે ધ્યાને લેતા દેશભરમાં નવી ટેકનોલોજીનો ઉપયોગ કરી એકસાથે ઓછા સમયમાં વધુ પ્રમાણમાં આવાસો બનાવવામાં આવે તેવું કેન્દ્ર સરકાર દ્વારા સુચન કરવામાં આવેલ છે. કેન્દ્ર સરકાર ના મીનીસ્ટ્રી ઓફ હાઉસિંગ એન્ડ અર્બન અફેર્સ વિભાગ દ્વારા વિશ્વભરમાં પ્રચલિત જુદી-જુદી ટેકનોલોજી વિશે અભ્યાસ કરવામાં આવેલ તેમજ ભારતમા અનુકુળ એવી ૫૪ ટેકનોલોજીને અલગ તારવવામાં આવેલ.

અદ્યતન ટેકનોલોજીથી આવાસો બનાવવા માટે ગ્લોબલ હાઉસિંગ ટેકનોલોજી ચેલેન્જ-લાઈટ હાઉસ પ્રોજેક્ટ અંતર્ગત સમગ્ર દેશમાં ફક્ત ૬ શહેરો રાજકોટ (ગુજરાત), લખનઉ (ઉત્તરપ્રદેશ), રાંચી (ઝારખંડ), અગ્રતલા (ત્રિપુરા), ઇન્દોર (મધ્યપ્રદેશ) અને ચેન્નાઈ (તમિલનાડુ)ની પસંદગી કરવામાં આવેલ છે. ગ્લોબલ હાઉસિંગ ટેકનોલોજી ચેલેન્જ-લાઈટ હાઉસ પ્રોજેક્ટ અંતર્ગત ઉપરોક્ત ૬ શહેરોમાં ૬ જુદી-જુદી ટેકનોલોજીના આધારે આવાસો બનાવવા માટે કેન્દ્ર સરકાર દ્વારા ટેન્ડર પ્રક્રિયા પૂર્ણ કરીને એજન્સીની નિમણુક કરવામાં આવેલ છે. સમગ્ર કામગીરી મિનિસ્ટ્રી ઓફ અર્બન એન્ડ હાઉસિંગ અફેર્સ હેઠળ BMTPC (બિલ્ડીંગ મટીરીયલ્સ એન્ડ ટેકનોલોજી પ્રમોશન કાઉન્સિલ) દ્વારા કરવામાં આવનાર છે. જેમાં ગુજરાત સરકાર તરફથી એફોર્ડેબલ હાઉસિંગ મિશનના કાર્યક્ષેત્ર હેઠળ કામગીરી કરવામાં આવનાર છે.

લાઈટ હાઉસ પ્રોજેક્ટ શું છે?

  • અદ્યતન ટેકનોલોજીથી આવાસ બનાવવામાં આવે છે
  • ગ્લોબલ હાઉસિંગ ટેકનોલોજી ચેલેન્જ અંતર્ગત છે લાઈટ હાઉસ પ્રોજેક્ટ
  • દેશમાં 6 શહેરોની આ પ્રોજેક્ટ હેઠળ થઈ છે પસંદગી
  • રાજકોટ, લખનઉ, રાંચી, અગરતલા, ઈન્દોર અને ચેન્નઈમાં લાઈટ હાઉસ પ્રોજેક્ટ અંતર્ગત મકાન બનશે
  • રાજકોટમાં રૈયા સ્માર્ટ સિટી વિસ્તારમાં 118 કરોડ રૂપિયાના ખર્ચે આકાર પામશે પ્રોજેક્ટ
  • ભારતમાં અનુકૂળ એવી 54 ટેકનોલોજી પસંદ કરવામાં આવી છે
  • મોનોલીથીક પ્રકારનું બાંધકામ કરવામાં આવશે
  • આ માટે ટનલ ફ્રોમવર્ક ટેકનોલોજીનો ઉપયોગ થશે
  • આ માટે કેન્દ્ર અને રાજ્ય સરકાર ગ્રાન્ટ ફાળવશે
  • કેન્દ્ર સરકાર વિશેષ ટેકનોલોજી ઈનોવેશન ગ્રાન્ટ અંતર્ગત પણ રકમ ફાળવશે
  • 118 કરોડના ખર્ચે EWS-2 પ્રકારના 1144 આવાસનું નિર્માણ થશે
  • દરેક આવાસમાં 2 રૂમ, લિવિંગ રૂમ, વોશિંગ એરિયા, પંખા, LED લાઈટ જેવી સુવિધા
  • આવાસોમાં પાર્કિંગ, કોમર્શિયલ કોમ્પલેક્ષ, આંગણવાડી, કોમ્યુનિટી હોલની પણ સુવિધા
  • દરેક આવાસમાં કમ્પાઉન્ટ વોલ, સોલાર સ્ટ્રીટ લાઈટ, રેઈન વોટર હાર્વેસ્ટિંગની પણ સુવિધા

 44 ,  1 

રસપ્રદ

રાજકારણ

વ્યાપાર