J&K : પુલવામામાં અથડામણ, સેનાએ ત્રણ આતંકીઓને ઉતાર્યા મોતને ઘાટ, એક જવાન શહીદ

24 કલાકમાં બીજી અથડામણ, હજુ પણ આતંકીઓ છુપાયા હોવાની આશંકા

સુરક્ષાબળો અને આતંકવાદીઓની વચ્ચે શનિવાર મોડી રાત્રે પુલવામાના જદુરા વિસ્તારમાં અથડામણ સર્જાઇ હતી. જેમાં સેનાએ 3 આંતકીઓને મોતને ઘાટ ઉતાર્યા છે. જમ્મુ-કાશ્મીર પોલીસના મતે એન્કાઉન્ટરવાળી જગ્યાએથી આપત્તિજનક સામાન અને હથિયાર મળી આવ્યા છે.

અથડામણમાં સેનાનો એક જવાન પણ શહીદ થયો છે. આંતકીઓની ઓળખ થઈ શકી નથી. તો બીજી તરફ આ વિસ્તારમાં હાલ એક આતંકી સંતાયો હોવાની આશંકા છે. જેને લઇ સર્ચ ઓપરેશન ચલાવવામાં આવી રહ્યું છે. આ પહેલા શુક્રવાર બપોરે સુરક્ષાદળોએ શોપિયાંના કિલૂરા વિસ્તારમાં ચાર આતંકીઓને ઠાર માર્યા હતા, જ્યારે એકની ધરપકડ કરી હતી. 

ધરપકડ કરાયેલા આંતકી પાસેથી મળેલા ઈનપુટના આધારે જ શુક્રવારે મોડી રાતે જદૂરામાં આતંકીઓની શોધખોળ શરૂ કરવામાં આવી હતી. સુરક્ષાદળોના પહોંચતાની સાથે જ આતંકીઓએ ફાયરિંગ શરૂ કરી દીધું હતું.જવાબી કાર્યવાહીમાં ત્રણ આતંકી માર્યા ગયા છે.

 56 ,  1 

રસપ્રદ

રાજકારણ

વ્યાપાર