લોક ડાયરામાં પૂર્વ નાણામંત્રી પર ‘નાણા’નો વરસાદ

માંગરોળમાં કારડીયા રાજપૂત સમાજે વજુભાઈ વાળાનું નોટોના વરસાદથી કર્યું સન્માન

ભાજપના દિગ્ગજ નેતા અને ગુજરાતના પૂર્વ નાણામંત્રી અને તાજેતરમાં કર્ણાટકના ગવર્નરપદેથી નિવૃત્ત થનારા વજુભાઈ વાળાનો એક સન્માન સમારોહ જુનાગઢના માંગરોળમાં કારડિયા રાજપૂત સમાજ દ્વારા આયોજિત કરાયો હતો. આ પ્રસંગે યોજાયેલા લોકડાયરામાં કલાકાર દેવાયત ખવડે સપાકરુની રમઝટ બોલાવી હતી. આ વેળા વજુભાઈ વાળા મંચની આગળ ઊભા હતા ત્યારે કારડીયા રાજપૂત સમાજના લોકોએ તેમના પર રૂપિયાની નોટોનો વરસાદ કર્યો હતો.

કર્ણાટકનાં પૂર્વ રાજ્યપાલ વજુભાઈના સન્માન બાદ, કળાકાર દેવાયત ખવડે સપાકરું ગાવાનું શરૂ કરતાં જ કારડિયા રાજપૂત સમાજના લોકો તાનમાં આવી ગયા અને રૂપિયાની નોટોના બંડલો કાઢીને હવામાં ઉડાડવા લાગ્યા.દરમિયાન વજુભાઈ વાળા મંચ નજીક જ ઊભા હતા તો લોકો તેમના પર નોટોનો વરસાદ વરસાવ્યો. પાંચ જ મિનિટમાં વજુભાઈ વાળા જ્યાં ઊભા હતા ત્યાં નીચે જમીન પર રૂપિયાની નોટોનો ઢગલો થઇ ગયો હતો.

 15 ,  1 

Net Dakiya News © 2019, All Rights Reserved

ગુજરાતી