ભારતીયોની સૌથી ફેવરિટ વાનગી બની સમોસા…

જાણો બીજા નંબરે કંઈ વાનગી છે…

હાલમાં જ સ્વિગીએ તેના વાર્ષિક statEATstics રિપોર્ટની છઠ્ઠી આવૃત્તિ બહાર પાડી છે. આ રિપોર્ટના રસપ્રદ આંકડા દર્શાવે છે કે 2021 દરમિયાન ભારતીય લોકોએ કઈ વાનગીઓનો ઓર્ડર આપ્યો હતો અને દેશમાં સૌથી વધુ ગમતી વાનગીઓ કઈ છે.

વર્ષ 2021માં ભારતીય લોકોએ દર મિનિટે 115 બિરયાનીનો ઓર્ડર આપ્યો હતો. આ ઉપરાંત, ભારતીયોએ આખા વર્ષ દરમિયાન ખૂબ સમોસા ખાધા છે. જ્યારે 2021માં ભારતીયોએ એટલા બધા ટામેટાંનો ઓર્ડર આપ્યો કે સ્પેનનો ટોમેટીનો ફેસ્ટિવલ 11 વર્ષ સુધી ઉજવી શકાય.

સ્વિગીના રિપોર્ટ અનુસાર, 2021માં સમોસા ભારતીયોનો સૌથી પ્રિય નાસ્તો રહ્યો છે. એક વર્ષમાં લગભગ 50 લાખ સમોસા માત્ર સ્વિગી પર ઓર્ડર કરવામાં આવ્યા હતા. સમોસાની લોકપ્રિયતાનો અંદાજ એ વાત પરથી લગાવી શકાય છે કે તેને ચિકન વિંગ્સ કરતાં છ ગણા વધુ ઓર્ડર મળ્યા હતા.

સમોસા બાદ ભાજીપાઉ અને ગુલાબ જામુન સૌથી વધુ પસંદ કરવામાં આવતી વાનગીઓ છે. વર્ષ દરમિયાન લોકોએ ભાજીપાઉના 21 લાખ ઓર્ડર આપ્યા હતા. ગુલાબ જામુન 21 લાખ ઓર્ડર સાથે સંયુક્ત રીતે બીજા નંબરની સૌથી પ્રિય વાનગી બની ગઈ છે.

લોકોમાં બિરયાનીનો ક્રેઝ યથાવત છે. એક વર્ષ પહેલા એટલે કે 2020માં દર મિનિટે બિરયાનીના 90 ઓર્ડર મળતા હતા, જે વધીને 115 ઓર્ડર થઈ ગયા હતા. રાત્રે 10 વાગ્યા પછી ચીઝ-ગાર્લિક બ્રેડ, પોપકોર્ન અને ફ્રેન્ચ ફ્રાઈસ જેવા નાસ્તાનો ઓર્ડર અન્ય વાનગીઓ કરતાં વધુ જોવા મળે છે. ફળો અને શાકભાજીમાં ટામેટાં, કેળા, ડુંગળી, બટેટા અને લીલા મરચાં ટોપ 5માં છે.

 36 ,  5 

Net Dakiya News © 2019, All Rights Reserved

ગુજરાતી