ફરી આ બિઝનેસમાં ધાક જમાવવાની તૈયારીમાં ટાટા ગ્રુપ!

ટાટા ગ્રુપે 23 વર્ષ પહેલા કહી દીધું હતું ‘ટાટા’

બ્યુટી અને ફેશન રિટેલર નાયકાની ચમત્કારી સફળતાએ દેશના દિગ્ગજ ઔદ્યોગિક ઘરાના ટાટા ગ્રુપનું ધ્યાન બ્યૂટી બિઝનેસની તરફ ખેચ્યું છે. ટાટા ગ્રુપ ફરી આ બિઝનેસમાં પોતાની ધાક જમાવવાની યોજના બનાવી રહ્યું છે. ગ્રુપે 23 વર્ષ પહેલા આ બિઝનેસને અલવિદા કર્યું છે. પરંતુ દેશમાં કોસ્મેટિક્સનું બજાર ઝડપથી વધી રહ્યું છે અને વર્ષ 2025 સુધી તેમાં 20 અરબ ડોલર સુધી પહોંચવાનું અનુમાન છે.

ટાટા ગ્રુપની રિટેલ સ્ટાર્સ ચલાવતી કંપની ટ્રેન્ટ લિમિટેડના નોન એક્ઝિક્યુટિવ ચેરમેન નોએલ ટાટાએ બ્લુમબર્ગની સાથે એક ઈન્ટરવ્યૂમાં કહ્યું કે કંપનીને જોર ફુટવેયર અને અંડરવિયરની સાથે સાથે બ્યુટી પ્રોડક્ટ્સ પર રહેશે. તેમણે જણાવ્યું કે રિટેલમાં તેમના ગ્રોથની સંભાવના છે.

Statistaના આંકડા અનુસાર 2025 સુધી દેશમાં કોસ્મેટિક્સ અને બ્યૂટી માર્કેટ 20 અરબ ડોલર પહોંચી શકે છે જે 2017માં 11 અરબ ડોલરનું હતું. કોરોના કાળમાં આ માર્કેટમાં ખૂબ જ ગ્રોથ જોવા મળ્યો છે. તેમાં મુંબઈની ઓનલાઈન રિટેલર નાયકાની મુખ્ય ભુમિકા છે. હાલમાં જ આ સ્ટાર્ટઅપ કંપનીનો આઈપીઓ જબરદસ્ત હિટ રહ્યો હતો અને કંપનીની માર્કેટ વેલ્યુ 13 અરબ ડોલર પહોંચી ચુકી છે. 

અમુક દશક પહેલા સુધી બ્યૂટી સેક્ટરમાં ટાટા ગ્રુપની તૂટી બોલતી હતી. નોએલ ટાટાના માતા સિમોન ટાટાએ 1953માં લેક્મે બ્રાન્ડની સ્થાપનામાં મુખ્ય ભુમિકા નિભાવી હતી. પરંતુ ટાટાએ 1998માં લેક્મેને યુનિલીવર પીએલસીની લોકલ યુનિટને વેચી દીધા હતા. 2014માં કંપનીએ ફરી આ સેક્ટરમાં એન્ટ્રી મારી હતી પરંતુ હવે કંપની તેને ગંભીરતાથી લઈ રહી છે. 

બ્યુટી ફુટવેર અને અંડરવિયર કેટેગરીથી ટ્રેન્ટનું રેવેન્યુ ફક્ત 10 કરોડ ડોલર છે જ્યારે તેનું કુલ માર્કેટ 30 અરબ ડોલરનું છે. WealthMills Securities Pvtમાં ઈક્વિટી સ્ટ્રેટજિસ્ટ  Kranthi Bathiniનું કહેવું છે કે આ ત્રણ સેગમેન્ટ્સ ટાટા માટે ફાયદાનો સોદો સાબિત થઈ શકે છે કારણ કે તે ઝડપથી પોતાના સ્ટોર્સ અને ડિસ્ટ્રિબ્યૂશન ચેનલ્સનો વિસ્તાર કરી રહ્યો છે. તેમાં કોંપ્ટીશન વધુ છે પરંતુ ઈકોનોમીની પટરી પર ફરવાની સાથે જ ખપ પણ ઝડપથી વધી રહી છે.  

 47 ,  1 

Net Dakiya News © 2019, All Rights Reserved

ગુજરાતી