વડાપ્રધાનની અપીલ પર આજે ખેડૂતો કરશે બેઠક, કૃષિ મંત્રીના પત્ર પર પણ લેશે નિર્ણય  

સરકાર સાથે વાતચીતના પ્રસ્તાવ પર આજે નિર્ણય લેશે ખેડૂત, યોજાશે મહત્વપૂર્ણ બેઠક

ખેડૂત સંયુક્ત મોરચો વડાપ્રધાન નરેન્દ્ર મોદીના ભાષણ અને કૃષિ મંત્રાલયના સચિવ તરફથી મોકલવામાં આવેલી ચિઠ્ઠીને લઇને પ્રતિક્રિયા આપવા માટે આજે બેઠક કરશે. વડાપ્રધાન નરેન્દ્ર મોદીએ ગઈકાલે એક કાર્યક્રમમાં કહ્યું કે, કેટલાક રાજકીય દળો દ્વારા ખેડૂતોને ઉશ્કેરવાનો પ્રયત્ન કરવામાં આવી રહ્યો છે અને આંદોલનને મુદ્દાથી ભટકાવવામાં આવી રહ્યા છે. જાણકારી પ્રમાણે ખેડૂતોના નેશનલ મોરચાની કોઈ બેઠક નથી થઈ. ફક્ત પંજાબના સંગઠનની બેઠક થઈ. નેશનલ ખેડૂત સંયુક્ત મોરચો આજે બેઠક કરશે. જો કે બેઠક ક્યારે થશે તેનો સમય નિર્ધારિત કરવામાં આવ્યો નથી.

નવા કૃષિ કાયદાને રદ કરવાની માંગને લઇને ધરણા પર બેઠેલા ખેડૂતોને મનાવવા માટે મોદી સરકાર દરેક સંભવ પ્રયત્ન કરી રહી છે. સરકાર દ્વારા ખેડૂતો સાથે વાતચીત માટે વધુ એક પ્રસ્તાવ પણ મોકલવામાં આવ્યો છે. જેના પર આજે ફેંસલાની આશા છે. સિંધુ બોર્ડર પર સંયુક્ત કિસાન મોરચાની આજે બેઠક યોજાશે. આ બેઠકમાં સરકારના પ્રસ્તાવ પર ચર્ચા સાથે જ આગળની રણનીતિ નક્કી કરવામાં આવશે. ખેડૂત અત્યાર સુધી કોઇ નક્કર પરિણામ નિકળ્યું છે.

હરિયાણા બોર્ડર પર લગાવ્યો જામ

કિસાન સંયુક્ત મોરચાની આજે થનારી બેઠકનો સમય નક્કી છે, પરંતુ આ બેઠક આંદોલન (Farmers Protest) માટે મહત્વપૂર્ણ ગણવામાં આવી રહી છે. આ બેઠકમાં ખેડૂત પ્રધાનમંત્રી નરેન્દ્ર મોદી (Narendra Modi) સાથે મુલાકાતના મુદ્દે ચર્ચા કરવાની સાથે જ આગળની રણનીતિ તૈયાર કરશે. આ દરમિયાન ખેડૂતોએ હરિયાણા બોર્ડર પર શાહજહાંપુરમાં જામ કર્યો છે. દિલ્હી કૂચ માટે નિકળેલા ખેડૂતોને હરિયાણા પોલીસે રસ્તામાં જ અટકાવી દીધા હતા, ત્યારબાદ ખેડૂતોએ દિલ્હીથી જયપુર આવનાર લેનને પણ જામ કરી દીધો છે. NH 48 પર જામ થતાં દિલ્હી જયપુરનો સંપર્ક કપાઇ ગયો છે.

 42 ,  1 

રસપ્રદ

રાજકારણ

વ્યાપાર