‘હું તમારો હર્ષ….’ સ્પીચ આપતા આપતા ભાવુક થયા ગૃહ રાજ્યમંત્રી

 વડીલો માટે હું હંમેશા હર્ષ જ છું અને રહીશ – ગૃહ રાજ્યમંત્રી

સુરતમાં યોજાયેલા એક કાર્યક્રમમાં ગૃહ રાજ્યપ્રધાન હર્ષ સંઘવી ભાવુક થયા હતા. જૈન સમાજના કાર્યક્રમમાં હર્ષ સંઘવીની સાથે તેમના પરિવારનું સન્માન કરવામાં આવ્યું હતું. જાહેર મંચ પર હર્ષ સંઘવીના પરિવારનું સન્માન કરાતા તેઓ ભાવુક થઈ ગયા હતા. અને કાર્યક્રમમાં સ્પીચ આપતા દરમિયાન હર્ષ સંઘવીની આંખોમાં ખુશીના આંસુ આવી ગયા હતા. તો હર્ષ સંઘવીની વાતો સાંભળીને તેમના માતા અને પત્ની પણ ભાવુક થઈ ગયા હતા. મહત્વનું સુરતમાં જૈન સમાજ દ્વારા હર્ષ સંઘવીનો સન્માન સમારોહ યોજાયો હતો.

સમાંરભમાં મંત્રી હર્ષ સંઘવીએ ઘર પરિવારની વાત કરતા કહ્યું કે, ’27 માં વર્ષે હું MLA બન્યો પહેલીવાર. મારે તો એટલું સ્ટ્રગલ છે જ નહીં. પરંતુ પોતાના મનને મનાવીને, પોતાની ઈચ્છાઓને બાજુમાં રાખીને છોકરાઓનું ધ્યાન રાખવાનું, મમ્મી પપ્પાઓનું ધ્યાન રાખવાનું. આ બધી વ્યવસ્તામાં મને કોઈ ખરેખર માંદ્દ્રુઓ થયું હોય તો તે પ્રાચી છે.’ હર્ષ સંઘવી પોતાના પરિવાર અને પત્ની વિશે વાત કરતા ભાવુક થયા હતા. તેમની સફળતા પાછળ સમગ્ર પરિવારની મહેનત છુપાયેલી છે તે અંગે મંત્રીએ વાત કરી હતી.

હર્ષ સંઘવીએ કહ્યું હતું કે, વડીલો માટે હું હંમેશા હર્ષ જ છું અને રહીશ. મારા વડીલ મિત્રોએ ક્યારેય હર્ષભાઈ નહીં કહેવું પડે. હું હર્ષ હતો અને હંમેશા હર્ષ જ રહીશ. પરંતુ રાજ્યની વ્યવસ્થાના હિસાબે ઈન્સ્ટિટ્યુશનની જે ગંભીરતા છે તે જોતા કદાચ એવુ થશે કે, કદાચ પ્રેક્ટિકલી તમારી અને મારી દૂરી 20 30 ફૂટની રહી જાય, પરંતુ દિલમાં આ દૂરી ક્યારેય ઓછી નહિ થઈ હોય. મારા માતાપિતાએ મારા માટે ઘણુ કર્યુ છે. પરંતુ મારા માતાપિતાએ પોતાની ઈચ્છા શક્તિ બાજુમાં રાખીને મારા ભાઈ-બહેનો માટે તેમનો પોતાનો સમય અમને આપ્યો. 26 મા વર્ષે હુ ધારાસભ્ય બન્યો હતો. મારા લગ્નને થોડો સમય જ થયો હતો, અને આ ઉંમરમાં હુ આ સામાજિક જવાબદારીમાં આવી ગયો હતો. આવા સમયે મારી પત્ની મોટી મદદગાર બની છે.’ આ શબ્દો સાંભળીને તેમના પત્ની પ્રાચીબેન પણ જાહેરમાં રડી પડ્યા હતા. 

 42 ,  1 

Net Dakiya News © 2019, All Rights Reserved

ગુજરાતી