આખરે હેડ ક્લાર્કનું પેપર ફૂટ્યું હોવાનું તંત્રએ સ્વીકાર્યું…

 પેપર લીક કરનાર માસ્ટર માઈન્ડના નામનો થયો ખુલાસો

અસિત વોરાએ સાબરકાંઠા પોલીસને કર્યો ઇ-મેઇલ

હેડ ક્લાર્કનું પેપર લીક કરવાનો માસ્ટર માઈન્ડ જયેશ પટેલ હોવાનો ખુલાસો થયો છે. તેના બે ભત્રીજાએ પેપરલીકનું  ષડયંત્ર કર્યું હતું. દેવલ નામનો વ્યક્તિ લઈ આવ્યો હતો પેપર. 

ગૌણ સેવા પસંદગી મંડળની હેડ ક્લાર્કની પરીક્ષાનું પેપર ફૂટ્યુ હોવાનું સ્પષ્ટ થયું છે. પેપર લીક થયા મામલે ગૌણ સેવા આયોગે સાબરકાંઠા પોલીસને ઇમેઇલ કર્યો છે. સાબરકાંઠા પોલીસ પેપર લીક મામલે 10 થી 12 વિરુદ્ધ ગુનો નોંધે તેવી શક્યતા છે. પોલીસને એક પછી એક કડી જોડવામાં સફળતા મળી છે. ગૌણ સેવા આયોગ વધુ એકવાર પરીક્ષા સફળતાથી લેવામાં નિષ્ફળ રહી છે. સૂત્રોના જણાવ્યા અનુસાર પરીક્ષા માટે ફૂલ પ્રૂફ સિસ્ટમ રાખવામાં ગૌણ સેવા ફેઇલ રહ્યું છે. ફરિયાદ નામ જોગ લખાશે તે મુદ્દે હજુ કોઇ સ્પષ્ટતા કરવામાં આવી નથી. તે સિવાય ગૌણ સેવા આયોગ ફરિયાદી બનશે.

ગૌણ સેવા પસંદગી મંડળ દ્વારા લેવાયેલું પેપર ફૂટ્યું હોવાનો સ્વીકાર થતાં હવે તપાસનો ધમધમાટ શરૂ થયો છે. ગુજરાત ગૌણ સેવા પસંદગી મંડળના અધ્યક્ષ અસિત વોરાએ સાબરકાંઠા પોલીસને એક ઇ-મેઇલ કર્યો છે અને પેપરલીકની તપાસ કરવા જણાવ્યું છે. અસિત વોરાએ પેપરલીકની તપાસ મામલે ઈ-મેઈલ કરતા હડકંપ મચી જવા પામ્યો છે. ગૌણ સેવા મંડળની સૌથી મોટી લાપરવાહીનો ભાંડાફોડ કરવામાં આવી ચૂક્યો છે. ગૌણ સેવા મંડળે લીધેલી પરીક્ષાના બે પેપર ફૂટ્યા હોવાનું સામે આવ્યું છે. એક મહિનામાં ગૌણ સેવા મંડળના બે પેપર ફૂટ્યા છે. જેમાં હેડ ક્લાર્ક અને સબ ઓડિટરનું પણ પેપર ફૂટ્યું હોવાનો ખુલાસો થયો છે. હાલ સાબરકાંઠામાંથી હેડ ક્લાર્કનું પેપર ફૂટ્યૂં હોવાની પુષ્ટી થઈ ચૂકી છે. 

આ ઘટનામાં મૂળ ધોળકાના વતની અને હાઇકોર્ટના પટાવાળાને પોલીસે ઉઠાવ્યો છે. કોર્ટ સંકૂલમાંથી પોલીસે પટાવાળીની ધરપકડ કરી છે. હાઈકોર્ટના પટાવાળાની ધોળકા પોલીસે ધરપકડ કરી છે. ત્યારબાદ પુછપરછમાં તમામ આરોપીઓના નામ પણ ખૂલ્યાં હતા. 10 ઓક્ટોબરે પરીક્ષા યોજાઈ હતી. સબ ઓડિટરની ભરતી કૌભાંડના 10માંથી 3 ઝડપાઈ ચૂક્યા છે. હેડ ક્લાર્કની પરીક્ષાના 11 શકમંદોને પોલીસે અટકાયત કરી છે.

તમને જણાવી દઈએ કે, 2019માં લેવાયેલ પરીક્ષાનું પેપર ફુટ્યાનો ખુલાસો 1 મહિના પછી થયો હતો. જો કે આ વખતે ખુલાસો પેપર ફુટ્યાના દિવસે જ દાવો કરવામાં આવ્યો હતો. જેને હવે સત્તાવાર રીતે સમર્થન મળ્યું છે

અત્રે ઉલ્લેખનીય છે કે, યુવરાજ સિંહના આરોપ બાદ તપાસનો ધમધમાટ શરૂ થયો છે. ગુજરાત ગૌણ સેવા પસંદગી મંડળ દ્વારા લેવાયેલી હેડ ક્લાર્કની પરીક્ષાનું પેપર એક દિવસ પહેલા લીક થયું હોવાના આરોપ પર ગુજરાત ગૌણ સેવા પસંદગી મંડળના અધ્યક્ષ અસિત વોરાએ પ્રેસ કોન્ફરન્સ કરીને આરોપોને નકારી દીધા હતા. જોકે હવે પુરાવાઓ સામે આવતા હેડ ક્લાર્કનું પેપર ફૂટ્યું હોવાનો તંત્રએ જ સ્વીકાર કર્યો છે. 

 36 ,  1 

Net Dakiya News © 2019, All Rights Reserved

ગુજરાતી