September 19, 2021
September 19, 2021

ગૌતમ અદાણીની આ કંપનીએ ચાલુ વર્ષમાં 330% રિટર્ન આપ્યું..

આજે સ્ટોકે નવી સર્વોચ્ચ સપાટી નોંધાવી

દેશના બીજા સૌથી મોટા કારોબારી ગૌતમ અદાણીની કંપની અદાણી ટ્રાન્સમિશન લિમિટેડના શેરમાં સતત વધારો થઈ રહ્યો છે. મંગળવારે જબરદસ્ત ઉછાળા બાદ આજે બુધવારે શેર ઓલટાઇમ હાઇ પર પહોંચ્યો છે. મંગળવારે BSE પર કંપનીનો શેર 3.82 ટકા વધીને રૂ 1,942.40 પર બંધ થયો. આ સાથે કંપનીનું માર્કેટ કેપ 213,627 કરોડ રૂપિયા સુધી પહોંચી ગયું અને દેશની સૌથી મોટી કાર ઉત્પાદક મારુતિ સુઝુકીને પાછળ છોડી દીધી.

adani transmission નો શેર આજે પણ તેજી સાથે કારોબાર કરી રહ્યો છે. સ્ટોક આજે 1,950.00 ના સ્તરે ખુલ્યો હતો અને 1,954.15 ની સર્વોચ્ચ સપાટી સુધી ઉછળ્યો હતો. કંપનીની માર્કેટ કેપ પાર વધીને 2.14 લાખ કરોડને પર પહોંચી ગઈ છે.

મારુતિ 22 મા સ્થાને સરકી ગઈ છે અને અદાણી ટ્રાન્સમિશન હવે દેશની 21 મી સૌથી મૂલ્યવાન કંપની બની છે. મારુતિની માર્કેટ કેપ 208,284 કરોડ રૂપિયા છે. અદાણી ટ્રાન્સમિશનનો સ્ટોક આ વર્ષે 346 ટકા ઉપર ગયો છે અને અદાણી ગ્રુપની સૌથી મૂલ્યવાન કંપની બની ગઈ છે. અદાણી ગ્રીન એનર્જીનું માર્કેટ કેપ 1.86 લાખ કરોડ, અદાણી એન્ટરપ્રાઇઝ લિમિટેડનું 1.68 લાખ કરોડ, અદાણી પોર્ટ્સ અને સ્પેશિયલ ઇકોનોમિક ઝોનનું 1.51 લાખ કરોડ અને અદાણી ટોટલ ગેસનું માર્કેટ કેપ રૂ. 1.5 લાખ કરોડ છે.

છેલ્લા કેટલાક વર્ષોમાં અદાણી ટ્રાન્સમિશન દેશમાં સૌથી આકર્ષક ઇન્ટીગ્રેટેડ પાવર ટ્રાન્સમિશન અને ડિસ્ટ્રીબ્યુશન કંપની તરીકે ઉભરી આવી છે. તેનું લક્ષ્ય 2022 સુધીમાં 20,000 સર્કિટ કિલોમીટર ટ્રાન્સમિશન લાઈનો નાખવાનું છે. તાજેતરના દિવસોમાં અદાણી ગ્રુપના શેરમાં વધારો થવાને કારણે ગૌતમ અદાણીની નેટવર્થ પણ વધી છે. બ્લૂમબર્ગ બિલિયોનેર્સ ઈન્ડેક્સ અનુસાર તે 72.2 અબજ ડોલરની નેટવર્થ સાથે વિશ્વના ધનિકોની યાદીમાં 14 માં સ્થાને છે. આ વર્ષે તેમની નેટવર્થમાં 38.8 અબજ ડોલરનો વધારો થયો છે.

Anil Ambani ની આ કંપની પણ દેવામુક્ત બનશે

સુપ્રીમ કોર્ટના તાજેતરના નિર્ણય બાદ રિલાયન્સ ઇન્ફ્રાસ્ટ્રક્ચરને દિલ્હી મેટ્રો રેલ કોર્પોરેશન (DMRC) પાસેથી 7100 કરોડ રૂપિયા મળશે. દિલ્હી સરકાર અને કેન્દ્ર પાસે DMRC માં 50-50 ટકા હિસ્સો છે. કંપનીના ચેરમેન અનિલ અંબાણીએ મંગળવારે શેરધારકોને આ માહિતી આપી હતી. અંબાણીએ કહ્યું કે DMRC તરફથી મળેલ પેમેન્ટનો ઉપયોગ કંપનીનું દેવું ચૂકવવા માટે કરવામાં આવશે. કંપની પર રૂ 3,808 કરોડનું દેવું છે. આ પછી કંપની દેવામુક્ત બનશે.

 14 ,  1