ટોલ ભરવાથી ત્રસ્ત ગામવાસીઓએ એવુ કર્યું કે…બસ સલામ..!

મુખ્ય રસ્તાની બાજુમાં જ નવો રસ્તો બનાવી નાંખ્યો..લે ત્યારે..

કર્ણાટકમા એક ગ્રામપંચાયતના લોકોએ રોજ-રોજ ટોલ ન ભરવા માટે ટોલબુથની બાજુમાં જ એક નવો રસ્તો બનાવીને એવો રસ્તો અપનાવ્યો કે બીજાગામવાસીઓ કદાજ તેમાંથી પ્રેરણા લઇ શકે. આવું કર્યા પહેલા તેમણે આ બાબતે ઉચ્ચ ઓથોરિટી સુધી ફરિયાદ કરી હતી પણ કોઈ નક્કર પરિણામ ન આવતા આવું પગલું ભરવામાં આવ્યું.

વાત એમ હતી કે જ્યારે FASTag નો ઉપયોગ ટોલ ટેક્સ વસૂલવા માટેના પરિવર્તનશીલ પગલા તરીકે જોવામાં આવી રહ્યો છે, ત્યારે કેટલાક લોકો હજી પણ તે સ્વીકારવા માટે સમર્થ નથી. જેના કારણે ટોલ પ્લાઝા પર સ્થાનિકો અને ટોલ કંપનીઓ વચ્ચે અવારનવાર અણબનાવની ઘટના બને છે. કર્ણાટકનો હેજમાડી ટોલ પ્લાઝા એનું તાજુ ઉદાહરણ છે. અહીં હેજમાડી ગામના રહેવાસીઓની ફરિયાદ ધ્યાને લેવામાં ન આવી તો તેઓએ ટોલ બૂથને બાયપાસ કરવા સમાંતર રસ્તો બનાવી લીધો હતો.

કર્ણાટકના ઊંડુંપ્પી શહેરમાં આવેલા હેજામાડી ગામના લોકોએ ટોલથી બચવાં નવો રસ્તો બનવી કાઢ્યો છે. વાત એવી છે કે આ ગામના પાદરમા જ ટોલબુથ છે એટલે ગામના લોકોને નાછૂટકે ટોલ ભરવો પડતો હતો. ઊંડુંપી ટોલ વે પ્રાઇવેટ લિમિટેડ કંપની એ આ ગામના લોકોની ફ્રીમાં અવરજવર રોકી દીધી ત્યારે લોકોએ પંચાયતના અધ્યક્ષ પ્રનેશ હેજામાડીને ફરિયાદ કરી હતી.

સરપંચ પ્રનેશએ આ ફરિયાદ ઉપરી અધિકારીઓ સામે વર્ણવી, પરંતુ ત્યાંથી કોઈ જવાબ આવ્યો નહિ. એટલે તેમણે 30 માર્ચના રોજ ટોલબુથને લાગોલગ એક નવો રસ્તો બનવી દીધો.

ગામલોકોનું કહેવું છે કે અધિકારીઓએ ગામમાંથી મુસાફરોને લેવા આવતી બસને રાહત આપવાનું વચન આપ્યું હતું, જે પૂર્ણ થયું ન હતું. તેમણે ઘણી રાહ જોઈ. આખરે, તેમને આ પગલું ભરવાની ફરજ પડી હતી, જ્યારે એનએચઆઈના અધિકારીઓએ દાવો કર્યો છે કે સ્થાનિક લોકો ટોલ ફી ચૂકવવા માંગતા નથી.

જો કે ગામવાળાએ અલગથી રોડ બનાવતા ટોલપ્લાઝા વાળાની અક્કલ ઠેકાણે આવતા આ ગામની નંબર પ્લેટ ધરાવતા વાહનો માટે ફ્રીમાં અવરજવર કરવા દેવા માટે તેઓ તૈયાર થઇ ગયા. અને આ સંબંધિત તેમણે ગ્રામ પંચાયત ને પત્ર લખી ને જણાવ્યું કે આ ગામના એડ્રેસથી નોંધણી થયેલ તમામ ગાડીઓ, બસો તેમજ સ્કુલના વાહનોને અમે ટોલ ભરવા માંથી છૂટ આપીએ છીએ.

 84 ,  1