September 18, 2021
September 18, 2021

અભિનેત્રી શિલ્પા શેટ્ટીના બંગલે પહોંચી યુપી અને મુંબઈ પોલીસ

પતિના પોર્નોગ્રાફી કાંડ બાદ હવે શિલ્પા શેટ્ટી અને માતાની વધી મુશ્કેલી

અશ્લીલ ફિલ્મ બનાવવાના રેકેટમાં અભિનેત્કી શિલ્પા શેટ્ટીના બિઝનેસમેલ પતિ રાજ કુન્દ્રાની ધરપકડ કરાઈ છે અને કેસની ઝીણવટભરી તપાસ થઈ રહી છે આ સ્થિતિ વચ્ચે ચિનહાટ ચોકીના પ્રભારી અજય શુક્લા અને તેમની ટીમ મુંબઈ પોલીસ સાથે બુધવારે મુંબઈ સ્થિત અભિનેત્રી શિલ્પા શેટ્ટીના બંગલે પહોંચી હતી અને તેમના મેનેજરને નોટિસ આપી હતી. ચોકીના ઇન્ચાર્જ વિભૂતિખંડ પોલીસ સ્ટેશનમાં નોંધાયેલા આઇઓસિસ વેલનેસ સેન્ટર પે ફર્મની ફ્રેન્ચાઇજીને આપીને 1.36 કરોડની છેતરપિંડીના કેસની તપાસ કરી રહ્યા છે. આ કંપનીના નિર્દેશકો શિલ્પા શેટ્ટી અને તેની માતા સુનંદા શેટ્ટી છે. ગયા વર્ષે 19 જૂન 2020ના રોજ કંપની સામે કેસ દાખલ કરવામાં આવ્યો હતો.

જણાવી દઈએ કે, હાલમાં શિલ્પા શેટ્ટી પતિ રાજ કુન્દ્રાના કેસનો સામનો કરી રહી છે એવામાં શિલ્પા શેટ્ટી લોકટીકાનો પણ ભોગ બની રહી છે. આવા કપરા સમયે શિલ્પાને રાહત મળે એ પહેલા જ તેની અને માતા સુનંદા શેટ્ટી વિરુદ્ધ લખનઉના વિભૂતિ ખંડ અને હજરતગંજમાં પોલીસ ફરિયાદ કરવામાં આવી છે.

શિલ્પા અને તેની મા પર વેલનેસ સેન્ટરના નામે લોકો પાસેથી કરોડો રૂપિયાની છેતરપિંડીનો આરોપ લગાવામાં આવ્યા છે. આયોસિસ સ્લિમિંગ સ્કિન સલૂન એન્ડ સ્પા નામથી શિલ્પા અને સુનંદા શેટ્ટીએ કંપની ખોલી છે. આરોપ છે કે કંપનીની ફ્રેન્ચાઇઝી અને બ્રાન્ચના નામે લોકો પાસેથી કરોડો રુપિયા ઠગવામાં આવ્યા છે. માનવામાં આવી રહ્યું છે કે હજરતગંજ પોલીસે ગત મહિને શિલ્પા શેટ્ટી અને સુનંદા શેટ્ટીને નોટિસ ફટકારી હતી, પરંતુ આ કેસમાં તેમના તરફથી કોઇ જવાબ આવ્યો નથી. જેથી ઉત્તર પ્રદેશ પોલીસ મુંબઈ પોલીસ સાથે શિલ્પાના જુહુ ખાતે આવેલા ઘરે પહોંચી હતી.

પોલીસ સૂત્રો પાસેથી પ્રાપ્ત માહિતી પ્રમાણે આ કેસમાં તપાસકર્તાએ શિલ્પા શેટ્ટીની કંપનીના વિનય ભસીન, આશા, પૂનમ ઝા, અનામિકા ચતુર્વેદી સહિત અન્ય લોકોના નિવેદનો પણ નોંધ્યા હતા. આ દરમિયાન તપાસકર્તા અને તેમની ટીમ આયોસીસ વેલનેસ કંપનીના ડિરેક્ટર કિરણ બાબાના ઘર અને ઓફિસ પહોંચીને ત્યાં નોટિસ આપી હતી.

 98 ,  1