અમદાવાદ : જ્યારે બૂટલેગરો બન્યા વિદ્યાર્થીઓ, સ્કૂલ બેગમાં મળી…

ભારેખમ સ્કૂલ બેગ જણાતા પોલીસે રોકીને તપાલ કરી તો…

વધારે પડતા વજનવાળી દેખાતી સ્કૂલ બેગ બે બૂટલેગરોને પોલીસ સ્ટેશનનો રસ્તો બતાવી દીધો છે. આ ઘટના બુધવારે અમદાવાદ શહેરમાં બની હતી. એક તરફ ઠંડીનું જોર વધી રહ્યું છે અને બીજી તરફ શોખીનો દ્વારા માંગમાં વધારો થયો છે. આ સ્થિતિમાં બૂટલેગરો વધારે કમાઈ લેવાની ફિતરતમાં એક્ટિવ થયા છે. બીજી તરફ પોલીસ પણ તેમના અવનવા નુસ્કા પર ધ્યાન રાખી રહી છે.

બુધવારે સવારે બનેલી ઘટનામાં ચાંદખેડા પોલીસ પંચલોક ચાર રસ્તા પાસે પેટ્રોલિંગ કરી રહી હતી. આ દરમિયાન એસપી રિંગ રોડ પર બે વયસ્ક શખ્સ ભારે ભરખમ સ્કૂલબેગ લઈને જતા હતા, તેમને જોઈને પોલીસને શંકા ગઈ હતી. સ્કૂલ બેગની અંદર જે પ્રકારે વજન ભરવામાં આવ્યું હતું તેના કારણે પોલીસને શંકા ગઈ હતી. જ્યારે પોલીસે આ સ્કૂલ બેગની તપાસ કરી તો તેમાંથી 48 દારુની બોટલો મળી આવી હતી. બે શખ્સ સ્કૂટર પર સ્કૂલ બેગમાં દારુની બોટલો લઈને જઈ રહ્યા હતા.

વહેલી સવારના સમયે બે વ્યસ્ક વ્યક્તિ સ્કૂલબેગ લઈને જતા હતા, જેને જોઈને પોલીસને શંકા ગઈ હતી. પોલીસે એક પછી એક આ સ્કૂલ બેગ ખોલીને ચેક કરી તો ત્રણે બેગમાં 16-16-16 બોટલો ભરવામાં આવી હતી.

આ મામલે નોંધવામાં આવેલી ફરિયાદ પ્રમાણે ચાંદખેડા પોલીસે કુલ 50,000 રૂપિયાનો દારુ કબજે કર્યો છે. આ દારુનો જથ્થો રાજસ્થાનથી લાવવામાં આવી રહ્યો હતો. ઝડપાયેલા બે આરોપીમાંથી એક 29 વર્ષનો દિનેશ પ્રજાપતિ (રહે. જગતપુર) છે, જ્યારે બીજો 30 વર્ષનો અર્જુન ટાંક (રહે. પાલી જિલ્લો, રાજસ્થાન) છે.

પોલીસ સૂત્રો દ્વારા મળતી વિગત પ્રમાણે અર્જુન ટાંક રાજસ્થાનથી ખાનગી બસમાં દારુનો જથ્થો લઈને આવ્યો હતો. આ પછી દિનેશ પ્રજાપતિ તેને સ્કૂટર પર લેવા માટે ગયો હતો. જ્યારે બન્ને જગતુપર દિનેશના ઘરે જઈ રહ્યા હતા ત્યારે પોલીસે શંકાના આધારે રોકીને પકડી પાડ્યા હતા.

પોલીસે આરોપીઓ પાસેથી મળેલી 48 દારુની બોટલો સિવાય સ્કૂટર અને બે મોબાઈલ ફોન પણ કબજે લીધા છે. બન્ને સામે પ્રોહિબિશન એક્ટ હેઠળ ગુનો નોંધવામાં આવ્યો છે.

 92 ,  3 

Net Dakiya News © 2019, All Rights Reserved

ગુજરાતી