September 19, 2021
September 19, 2021

જ્યારે ફિલ્મી સ્ટાઇલમાં બ્રિટિશ સૈનિકોને આ રીતે ભાગવું પડ્યું…

તાલિબાની ચેકપોસ્ટ પાર કરવા અપનાવી આ રણનીતિ

અફઘાનિસ્તાન પર સંપૂર્ણ કબજો કરી ચૂકેલુ તાલિબાન સત્તા સ્થાપવામાં વિવાદનો સામનો કરી રહ્યું છે. પરસ્પર સંઘર્ષને લીધે તાલિબાન સરકારનું એલાન કરી શક્યું નથી. અફઘાનિસ્તાનની વર્તમાન સ્થિતિ એટલી કફોડી બની ચૂકી છે કે, નાગરિકો પણ કોઇપણ ભોગે દેશ છોડી રહ્યા છે. દેશ છોડીને ભાગી રહેલા નાગરિકોમાં મોટા પ્રમાણમાં એવા લોકો છે જેમણે સમયાંતરે કોઇને કોઇ રીતે અમેરિકની સેનાને તાલિબાન સામે મદદ કરી હતી. તો બીજી તરફ તાલિબાન પણ એવા અફઘાનીઓનું કિલ લિસ્ટ તૈયાર કરી રહ્યું છે જેમણે તાલિબાનનો વિરોધ કર્યો હતો.

અમેરિકાએ પણ અફઘાનિસ્તાનમાં લાંબા સમય સુધી તાલિબાન સામે જંગ લડી છે. સપ્ટેમ્બર 2001માં વર્લ્ડ ટ્રેડ સેન્ટ્ર પર થયેલા આતંકી હુમલા પછી અમેરિકાએ નાટો સહયોગીઓની સાથે અફઘાનિસ્તાન પર હુમલો કરી દીધો હતો. ત્યારે બ્રિટિશ સેનાએ પણ અમેરિકાનો સાથે આપી અલકાયદા અને તાલિબાન સામે જંગ લડી હતી. હવે એવો દાવો કરવામાં આવી રહ્યો છે કે કેટલાક મહિનાઓથી ખાસ મિશન પર ગયેલી બ્રિટિશ સેનાના સૈનિકો બુરખો પહેરીને તાલિબાનના ગઢથી ભાગવુ પડ્યું છે.

એક મીડિયા રિપોર્ટ મુજબ અફઘાનમાં તૈનાત બ્રિટિશ સ્પેશ્યલ ફોર્સિસ કાબૂર બહાર એક ગુપ્ત મિશન પર હતી. જ્યારે આ સૈનિકો કાબૂલ તરફ પરત ફર્યા ત્યારે તાલિબાનને ચકમો આપવા માટે અફઘાની મહિલાઓનો પહેરવેશ ધારણ કરવો પડ્યો હતો. કારણ કે રસ્તામાં તાલિબાન ચેકપોસ્ટ પડતી હતી.

રિપોર્ટ મુજબ બ્રિટિશ સેનાની એર સર્વિસ (SAS)ની 20 સૈનિકોની યુનિટને અફઘાનમાં બગડી રહેલી પરિસ્થિતિઓમાં અફઘાન છોડવાનો આદેશ આપવામાં આવ્યો હતો. જે દરમિયાન તેમની મદદ માટે અમેરિકા અને નાટો સેના હતી. બ્રિટિશ સેનાની આ ટૂકટી અફઘાનિસ્તાનના દક્ષિણ ભાગમાં એક ખાસ મિશન પર હતા.

એવો દાવો પણ કરવામાં આવી રહ્યો છે કે સમય પહેલા અફઘાન છોડવાના અમેરિકાના નિર્ણય પર બ્રિટિશ ફોર્સિસ સંકટમાં આવી ગઇ હતી અને તાત્કાલિક ધોરણે અફઘાનમાં તૈનાત ટૂકડીને કાબૂલ બેઝ પર પરત ફરવાના આદેશ આપ્યો હતો. જે પછી હજારો કિમી કાપવા માટે બ્રિટિશ સૈનિકોએ ભેષ બદલવો પડ્યો હતો. કાબૂલ બેઝ માટે નીકળેલા બ્રિટિશ સૈનિકોએ બુરખો પહેરીને પોતાની ગાડીઓ પર તાલિબાનનો ઝંડો પણ લગાવ્યો હતો. જેના લીધે તાલિબાનીઓએ તેમને સ્થાનિક મહિલાઓ સમજીને એક ચેકપોઇન્ટ પાસ કરવા દીધી હતી.

જોકે કાબૂલ બેઝ પર પહોંચ્યા પછી પણ બ્રિટિશ સૈનિકો માટે સ્થિતિ સામન્ય નહોતી, કારણ કે ત્યાં લાખોની સંખ્યામાં અફઘાનીઓ હાજર હતા. પરંતુ જેમ-તેમ કરીને ગેટ સુધી પહોંચેલી બ્રિટિશ ટૂકડીને સુરક્ષા ઘેરામાં લેવામાં આવી હતી. જે પછી તેમની ઓળખ કર્યા પછી કાબૂલ બહાર મોકલી દેવામાં આવ્યા હતા.

 27 ,  1