WHOએ આપી ચેતવણી – ફક્ત રસીથી ખતમ નહીં થાય કોરોનાની મહામારી

માત્ર વેક્સિનથી ખતમ નહીં થાય દુનિયામાં કોરોના મહામારી

કોરોનાના સંક્રમણ કાળ વચ્ચે ભલે વિશ્વને તેની સારવારની વેક્સિનને લઈને સમાચાર સારા લાગ્યા હોય, પરંતુ વિશ્વ સ્વાસ્થ્ય સંગઠને એકવાર ફરી તેને લઈને ચેતવણી જાહેર કરી છે. WHOના ચીફ ટ્રેડ્રોસ એડહાનોમે પોતાની ચેતવણીમા કહ્યુ કે, ભલે કોરોનાની કોઈ વેક્સિન બનાવી લેવામાં આવે, પરંતુ તે માત્ર સંપૂર્ણ મહામારીને ખતમ કરી શકશે નહીં. 

WHOના ચીફ ટેડ્રોસ એડહાનોમે કહ્યુ કે, ભલે વિશ્વમાં કોઈપણ વેક્સિન બનાવી લેવામાં આવે, પરંતુ તે એકમાત્ર કોરોનાની મહામારીને રોકી શકશે નહીં. ટેડ્રોસે કહ્યુ કે, આપણે વેક્સિન તે બધી રીતોની સાથે ઉપયોગમાં લાવવી પડશે, જેનો ઉપયોગ હાલ થઈ રહ્યો છે. પરંતુ એવું નથી કે વેક્સિનમાં આવ્યા બાદ બધી ટ્રીટમેન્ટ સિસ્ટમને રિપ્લેસ કરી દેવામાં આવે, જેનો અત્યારે ઉપયોગ થઈ રહ્યો છે. 

ટેડ્રોસે ચેતવણી આપતા કહ્યું કે રસી આવ્યા બાદ સંક્રમણ ફેલાવાની પર્યાપ્ત સંભાવના રહેશે. રસી આવ્યા બાદ લોકોનું ઓબ્જર્વેશન કરવા, તેમના ટેસ્ટ કરવા અને લક્ષણો દેખાવા પર તેમને આઈસોલેટ કરવાની જરુર રહેશે.

મહત્વનું છે કે કોરોના કાળમાં આશરે 8 મહિના પસાર થયા બાદ હવે દુનિયાભરમાં વેક્સિન નિર્માણની દિશામાં સકારાત્મક સંકેત મળવા લાગ્યા છે. સોમવારે બાયોટેક કંપની મોડર્ના તરફથી કહેવામાં આવ્યું કે, કોરોના વિરુદ્ધ તૈયાર કરવામાં આવી રહેલી દવા બીમારીને રોકવામાં 94.5 ટકા અસરકારક છે. આ દાવો ક્લીનિકલ ટ્રાયલના વિશ્લેષણના આધાર પર કરવામાં આવી રહ્યો છે. આ પહેલા ફાઇઝરની વેક્સિને પણ આ મહામારી વિરુદ્ધ 90 ટકાથી વધુ પ્રભાવ દેખાડ્યો હતો. માનવામાં આવી રહ્યું છે કે અમેરિકા ડિસેમ્બર સુધી બે વેક્સિનને આપાતકાલીન મંજૂરી આપી શકે છે. આ સાથે આ વર્ષના અંત (2020ના અંત) સુધી વેક્સિનના 6 કરોડ ડોઝ ઉપલબ્ધ થઈ જશે. 

 74 ,  1 

રસપ્રદ

રાજકારણ

વ્યાપાર