વર્લ્ડ કપની 34મી મેચમાં માનચેસ્ટરના ઓલ્ડ ટ્રૈફર્ડમાં ભારતે વેસ્ટઈન્ડીઝને 125 રનોથી હરાવી દીધું છે. વર્લ્ડ કપ ઈતિહાસમાં વિન્ડીઝની સામે રનને ધ્યાનમાં રાખતા ભારતની આ સૌથી મોટી જીત છે. ગત વખતે તેને 2011માં વેસ્ટઈન્ડીઝને 80 રનથી હરાવ્યું હતું.
પ્રથમ બેટિંગ કરતા ભારતે 50 ઓવરમાં 7 વિકેટે 268 રન બનાવ્યા હતા. જવાબમાં વેસ્ટ ઇન્ડીઝ 34.2 ઓવરમાં 143 રનમાં ઓલઆઉટ થઈ ગયું હતું. વર્લ્ડ કપમાં ભારતની વેસ્ટ ઇન્ડીઝ સામે સૌથી મોટી જીત છે.
ટૂર્નામેન્ટમાં ભારતનો આ પાંચમો વિજય છે. ભારતના કુલ 11 પોઈન્ટ થઈ ગયા છે અને ટીમ સેમિફાઇનલમાં પહોંચવાની નજીક પહોંચી ગઈ છે.
શમીએ મેચમાં 16 રન આપીને 4 વિકેટ લીધી હતી. વેસ્ટઈન્ડીઝ સામે વનડેમાં ભારતીય બોલરનું આ સૌથી અદભૂત પ્રદર્શન હશે.
કોહલીના આઉટ થયા બાદ મેદાન પર ઉતરેલા હાર્દિકે ધોનીનો સાથ નિભાવ્યો હતો. બન્નેએ છઠ્ઠી વિકેટ માટે 70 રનની ભાગીદારી કરી હતી. હાર્દિકે 38 બોલની ઈનિંગમાં 5 ચોક્કા લગાવ્યા હતા. બીજી બાજુ ધોનીએ પોતાની ઈનિંગમાં 3 ચોક્કા અને 2 છગ્ગા ફટકાર્યા હતા. તેમને 50મી ઓવરમાં ઓશાને થોમસના 6 બોલ પર કુલ 16 રન બનાવ્યા હતા.
57 , 1
